زبدةالاشعار

یانور اصغریم سوسوزدان ایله چاره نهر علقم #اصغریه_نخستین

زبانحال حضرت رباب (س)
خطاب به نهر فرات
.
.
#سبک_سو_یوخومدی_قزلاروندان … 5 سبک
مشابه

.
مرحوم حاج مختار نخستین اردبیلی
.
یانور اصغریم سوسوزدان ایله چاره نهر علقم
صودامر دوام ایدنمز بو فشاره نهر علقم
.
.
قوروموشدی تشنه لوقدان علی اصغرون دوداقی
سو ویروب ایدلّه سیراب صود امر سوسوز اوشاقی
سو که ویرمدون یانوندا نیه ساخلادون قوناقی
ایله نازک حلقه دگدی نیه یاره نهر علقم
.
.
سنی قان اولیدون ای کاش ایلیوب صدا آخاندا
یا سنون سویون قوریدی علی اصغریم باخاندا
سنه حسرتیله باخدی نیه جان ویرن زماندا
سو یرینه قان ایچیرتدون او شکاره نهر علقم
.
.
سنه ایلورم تعجب نجه اصغره باخورسان
ئوزوی او نخل زارون یرینه گیدوب یاخورسان
بو بلالی چولده ای سو گجه گوندوزی آخورسان
ایدورم سنه سوزومدن بیر اشاره نهر علقم
.
.
نقدر آخورسان آخ گیت سسیوی بیله اوجاتما
بالاما سو ویرمدون سن سنیده مرامه چاتما
سووا احتیاجی یوخدور یاتوب اصغریم اویاتما
دیمورم سوسوزدور اصغر ایله چاره نهر علقم
.
.
سووا گلدی شاه الینده اونا ایتمدون حمایت
ایکی قول گتوردی آخر عموسی سنه وساطت
سنون اوسته کچدی جاندان گینه ایلدون خجالت
اولاسان سنی همیشه یوزی قاره نهر علقم
.
.
سنه آی ایشیق سالاندا گوگه سن ایشیق سالیدون
صودامر بالامون الدن نیه طاقتین آلیدون
علی اصغریم کیمین کاش سنیده سوسوز قالیدون
اونی سن سوسوز قویوبسان بو مزاره نهر علقم
.
.
سن آخوب گیدردون اصغر قوری لبلرین امردی
دوشومه ووراردی درناق گوزونون یاشین الردی
آناسیندان آیری دوشمش قوزولار کیمین مردی
گوزونون یاشین توکردی گل عذاره نهر علقمه
.
.
منیم اصغریم سوسوزدان سو یانیندا جان ویرنده
عطشون حرارتیندن دوداقین نشان ویرنده
او گله سه شعبه پیکان سو یرینه قان ویرنده
نیه تاپمادون او طفله ره چاره نهر علقم
.
.
گجه گوندوز ایلدون سن بو سوزی «نخستین» ازبر
سو یرینه قانین ایچدی نیه نهرین اوسته اصغر
توکرم عذاره گوز یاش دیرم اونی مکرر
یانور اصغریم سوسوزدان ایله چاره نهر علقم
.
.
#اصغریه #نخستین
#اصغریه_شهادت #حضرت_رباب #فرات
#یانور_اصغریم_سوسوزدان_ایله_چاره_نهر_علقم
#ترکی
#زبدةالاشعار

متن پیشنهادی:  اربعین زائریوخ حضرت ثاراللهه #اربعین_شایان_ارومیه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی