یانّام باخارام بو اَرییَن پیکره زهرا #فاطمیه_حضرتی_هاتف

زبانحال حضرت علی (ع) در شهادت حضرت زهرا (س)
.
✍️زبدة الاشعار✍️
.
🆔: @nohe_torki
.
سعید حضرتی آذرشهری (هاتف)
.
یانّام باخارام بو اَرییَن پیکره زهرا
باخ باشیوین اوسته قوجالان حیدره زهرا
.
.
امّتله علی نین آراسیندا گله دوشدی
اود ویردیلار اود غنچه و برگ و گوله دوشدی
حیدر گولونون یانماقی دیلدن دیله دوشدی
عالم بویی چاتماز بو محن آخره زهرا
.
.
دل صحبتی خوشدور دل و دلدار آراسیندا
حق دور یانا بلبل اودا گلزار آراسیندا
نیسگیلدی قالا گل در و دیوار آراسیندا
بلبل باخا حسرتله گل پرپره زهرا
.
.
مجنون غم لیلی له یانیب صبح و مسا گر
افسانه دی افسانه دی افسانه دی یکسر
بلبلدن اوتور کیم بئله عشقی گوروب آخر
خون دلیله گول یازا عشقین دره زهرا
.
.
مغسلده کمک سیز دایانیب خسرو خوبان
فرض ایله بنادن ییخیلیب پایۀ ایمان
برهم اولونوب ظلمیله شیرازۀ قرآن
ناطق دایانیب غسل ایلیه کوثره ، زهرا
.
.
وار یاددا گئدیب جنگه گلیب یاره م اولاندا
بیر بیر یارامی باغلاماقون عشقیله زهرا
من بیر یاراوی باغلاماقا عاجزم اما
نئیلیم؟ سینه وین قانی آخور یکسره زهرا
.
.
مین بیله منیم یاره می باغلاردون عزیزیم
باغلاردون، اوپردون، سینه داغلاردون عزیزیم
خلوتده یانیب، گیزلیجه آغلاردون عزیزیم
حسرتدیَم ایندی او گئچن گونلره زهرا
.
.
حاشا آتا حیدر گولونون لطف و کرامین
ای اوتدا حمایت ائدن عشقیله امامین
مهریله علی نین ای آلان ائوده سلامین
سندن صورا ایوای اولا بو حیدره زهرا
.
.
«هاتف» غم و اندوهیوه دائم سینه داغلار
ایوای آنام ایوای، آنام ایوای دئییب آغلار
تاج شرفین، قاره وی آغلار باشا باغلار
آغلار گوزی قربان یومولان گوزلره زهرا
.
.
.
.
#سبک_ای_باد_صبا … 7 سبک
.
.
.
#فاطمیه_شهادت
#یانام_باخارام_بو_اریین_پیکره_زهرا
#حضرتی_هاتف
#ترکی
.
✍️ #زبدةالاشعار ✍️
.
🆔: @nohe_torki