اولین روضه خوان حضرت سیدالشهدا علیه السلام
.
✍️ #زبدةالاشعار ✍️
.
🆔: @nohe_torki
.
حاج نادر بابایی
.
.
یا حسین بن علی وارث مقصود ازل
ایله دون یوم الستونده کی پیمانه عمل
ماخلق گوردی سنی عهدیله پیماندا گوزل
انبیانی ائله منشوریله حیران ائله دون
عشقیلن دایرۀ عشقیده طوفان ائله دون
.
.
یاسووا قاره گین کعبۀ مقصوده گلوب
بار عامی ائشیدوب ساحت معبوده گلوب
معرفت تاپماقا بو وادی مشهوده گلوب
باش یاران ،سینه وران، خیمووه مستانه گلوب
قاره کوینک گینوب عاقل و دیوانه گلوب
.
.
بو گلنلر قاریشوب یاخشی یامان درهم اولوب
آدون هر یاندا گلوبدور هامی اهل غم اولوب
پرچمون آتدا عزادارلرون باهم اولوب
بیزی صدیقۀ اطهر یولا آسوده سالار
بوردا عشق اهلی قاریشدی بو خانم درهم آلار
.
.
ای گلن فاطمه دردانه سینون ماتمینه
باش باشا آغلیاروق شاه شهیدان غمینه
دم قوشار روح الامین نوحه دینلر دمینه
هر مکاندا که حسینه بیری غم بزمی قورار
ننه سی حضرت زهرا قاپی آغزیندا دورار
.
.
اهل ماتم ائشیدوب واردی حسینون کرمی
احترامیله ئوپوللر اودی قاره علمی
متبرکدی بیزه قاره گینلر قدمی
دئمه آلوده سی وار کیم بئله کالا بینر
بولارین گوز یاشینی حضرت زهرا بینر
.
.
بو سوزه واردی سند ایلورم الساعه بیان
اولمامیشدی هله خلق آدم وحوا او زمان
اولدی لاهوتیده گور کیم او گونی مرثیه خوان
عشقیدن حی تبارک آچوب عرشینده سوزی
جبرئیله اوخودی روضه نی اولده ئوزی
.
.
ای قلم مقتلی یاز گزمه بو یردن اوزاقا
میزبانلار نجه یاز یاره وروبدور قوناقا
بدنی قانینه الوانیدی باشدان ایاقا
حضرت فاطمه ریحانه سی مقتلده سولوب
ایستی قوملار نجه گور یاره لره مرهم اولوب
.
.
اوت یاغوردی ائله بیل سوزش گرمادن اودم
جبرئیل اندی یره شاهه باشین ایله دی خم
دئدی ای سید جنات برین ، فخر امم
اذن وئر محفل عرفانیده مهمانون اولوم
گوزلیم آچ گوزووی باخ منه قربانون اولوم
.
.
چکوری اهل سما نازووی ای پاک سرشت
سن نظر ائتسون اگر گوهر اولار خاکیله خشت
منتظردور قدم پاکووه باغات بهشت
بس ندن منزل ائدوبسن بو چوخور ماواده
گون قباقینده یاتوبسان بئله بیر صحراده
.
.
ایسته سون سنله بو گودالیده منده قالارام
عطر طاهانی سنون گل بدنونن آلارام
آچارام شهپریمی اوستووه سایه سالارام
گوزلرون آچ منه باخ قارووی گویده گیه نم
دگولم اوزگه بشیکده سنه لایلای دیه نم
.
.
فاطمه اوغلی او اثنا سوزونی آچدی بئله
دئدی روح القدوسه شهپرووی باغلا هله
وادی عشقیده حاشا ائده عشق اهلی گله
شهپرون چک گنه ده یاریمی بی پرده گوروم
تا چیخوم نیزیه ئوز پیکریمی یرده گوروم
.
.
یاحسین درگهووین گرچه یوزی قاره سیم
نادرم شعریده چوخ مقتلین آواره سیم
چاریه سنده گوزوم وار نه که بیچاره سیم
جسم بیجانیم اوگون که قره تپراقه گئدر
بیر باخیش بسدی منه قبریمی نورانی ائدر
.
#حسینیه_نادربابایی
#حسینیه_شهادت
#یا_حسین_بن_علی_وارث_مقصود_ازل
#ترکی
.
✍️ #زبدةالاشعار ✍️
.
🆔: @nohe_torki
نظر دهید