زبدةالاشعار

یا علی عشقینده دوشدوم خانه دن میخانیه #حیدریه_مصیبی_تبریزی

مدح حضرت علی (ع)
.
.
.
محمد علی مصیبی تبریزی
.
.
یا علی عشقینده دوشدوم خانه دن میخانیه
شوق وصلین گویلومی مفتون ائدوب پیمانیه

.
عشقیوین پابندیم مدّتدی ای شاه زمن
مادر گیتی سنون تک دوغمیوب بیر مَردِ فن
رگلرینده خون ِ غیرت جوشه گلسه دفعتاً
ذوالفقارین دوندرر دنیا یوزین ویرانیه

.
مست ائدوب آدون منی جام بقانی نیلورم
تک سنون نورین گورَرشمسُ الضّحانی نیلورم
قبریوی طُوف ایله سم سعی و صفانی نیلورم
شورعشقین اود وورار غمبادیه خمخانیه

.
ساقیا گوندر می ِ ناب ِ ولادن محفیله
تک فقط بیرجرعه کافی دورئورک دردین سیله
ناوک پیکان عشق مرتضی دگسه دله
یول تاپانماز قاصد غم مَحبس غمخانیه

متن پیشنهادی:  عجب حسین بیزی محتاج دشمن ایلموسن #کوچ_کربلا #واقف_سرابی

.
جام ِ عشقه ال تاپانماز بزم یاره گلمیَن
مست لایعقل دگور کوی نگاره گلمیَن
سرخوش از نام علی اولماز بو باره گلمیَن
عاشقه واردور بها ، نه عاقل و دیوانیه

.
ایسته سن گر دار دنیاده مدال عزّتی
یا قیامتده بهشتی یوخدی والله منتی
مرتضی نین اللرین دن آل کلید جنّتی
وارداولجاق سسله عشق اولسون بوصاحبخانیه

.
عاشق مولا الین هئچ ناکسه باز ایله مز
یارودمساز آختارار هر فردی دمساز ایله مز
حیدره دردین دیئر چون سائله ناز ایله مز
درده درمان آلدی کیم گلدی بو داروخانیه

متن پیشنهادی:  بو قد طوبائیلن اکبردی رفتاره گلوب #اکبریه_عدلی_تبریزی

.
غرق اولور دریاده گر کشتی بدون ناخدا
چاره یوخدور وار ولی بیرعده انسان باخدا
مرتضی عشقی ئورکده سسله سینلر یاخدا
غرّش طوفان یاتا ، تنها چکر بیر ثانیه

.
یا علی جام ِ ولانی سندن آلسام وار دادی
مجد و شٲن و اعتلانی سندن آلسام وار دادی
من برات کربلانی سندن آلسام وار دادی
تا وارام فخر ایلرم اول دعوت شاهانیه

.
قبرین اوّل ساعتی خوف و جَزَع قلبی سیخار
اولساتوفیقین علی نی سسله چون یٲسی ییخار
مرتضی گلسه فشار قبر، روحیندن چیخار
گلمه سه گر، وئرقسم مولانی زهرایه، نیه؟!

متن پیشنهادی:  گوزه تشبیه فقط نرگس شهلا یاراشار #زینبیه_محمدی_ولایی

.
نام زهرانی خلوصیلن کیم عنوان ایلیر
حیدرین قلبینده کی عنوانی اعلان ایلیر
مرتضی زهرایه خاطر درده درمان ایلیر
چون علی نین جانی دور زهرا خبر وئر ثانیه

.
ای« مصیّب »گرچه پروندن ده وار بیحد گناه
لیک تا عشق علی قلبینده اولسا چکمه آه
عرصۀ محشرده مولا ائتسه بیر وقفه نگاه
بانی بخشش اولار جانلار فدا اول بانیه

.
#حیدریه_مدح
#یا_علی_عشقینده_دوشدوم_خانه_دن_میخانیه
#مصیبی_‌تبریزی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی