زبدةالاشعار

یا علی کل جهان اولموش عدالت تشنه سی #حیدریه_محمد_سیمزاری

عدالت تشنه سی
.
✍️ #زبدةالاشعار ✍️
.
🆔: @nohe_torki
.
محمد سیمزاری
.
یا علی کل جهان اولموش عدالت تشنه سی
شرّ و آفت خسته سی ، شور و شرافت تشنه سی
.
.
لَم یَکُن فی کعبه الرَّحمن ِ مُلودٌ سِواه
((اِذ تعالی فی البَرایا عن مثالٍ فی عُلاه))
اولموشوق مولا، شقاوتده، جهالتده تباه
راضی اولما عاشیقون قالسون سعادت تشنه سی
.
.
تا قدم قویدون جهانه افتخار ائتدی زمین
((جاءَ مخلوقاً بِنورِالقُدسِ لَا الماء المَهین))
ها… ((تَردَّی مَنظِرَ الاَّهوت بَینَ العالمین ))
قویما ((مَن قالَ علی))قالسون شفاعت تشنه سی
.
.
مظهر پاک عدالت سن ره حقه دلیل
تا سنون تک نوری خلق ائتدی خداوند جلیل
گوئیا اوندا دئدی : انّا هَدَیناهُ السَّبیل
قالماسونلار(( مَن یشاء))دار سلامت تشنه سی
.
.
صفوة الله و خلیل الله و روح الله سن
عالم مخلوقِ سبحانه جلال و جاه سن
سن گونوزلرده گونش شبهای تاره ماهسن
لیکن ابنای بشر، نور هدایت تشنه سی
.
.
لحمهُ لحمی ،دئدی حقونده ختمی مرتبت
کوثر قرآن سنه اولدی نبی دن مرحمت
لیلهُ القدرین بیلیندی سنده قدری عاقبت
قالمادی عارف طریقتده ، اشارت تشنه سی
.
.
وئردی حق روز ازلدن عزّت و شوکت سنه
افتخار ائیلردی چون پیغمبر رحمت سنه
گوز تیکیب ایندی بوتون مظلوم اولان امّت سنه
جسم بیمار جهان قالمیش طبابت تشنه سی
.
.
ای اولان ابنای انسانه بوتون مولا، علی
آتش جهل و تباهی ده یانیر دنیا ، علی
ای همای لطف حق، مصداق کرّمنا ، علی
سن کرم دریاسی سن دنیا کرامت تشنه سی
.
.
بیر قارانلیق چاهه بنزه ر بوجهان ، سن ماهسن
کل مخلوقه، زمین و آسمانه شاهسن
اسم اعظم سن ، امانت دار سرّ الله سن
تک ولی سن سن، ولی بیزلر ولایت تشنه سی
.
.
آلدی دنیانین، ریا هم غربی نی هم شرقی نی
بیلمگ اولمور اهل ایمانیله کفرون فرقی نی
تزویریله دای یاریلار چون عدالت فرقی نی
اولموشوق بیر جرعه ناب صداقت تشنه سی
.
.
ایسته ربّ ذوالجلالوندن بالون مهدی گله
حقی احقاق ائلیب درد اهلینین دردین بیله
دینیمیزده ن تاپموشوق دای بیر نیستان فاصله
قویماسون نی لر سوسوب قالسون حکایت تشنه سی
.
.
قویماسون نمرودلر بو خلقین آلّلهین دانا
قویماسون حق و حقیقت آتشِ ظلمه یانا
راضی اولما شیعه وهّابی الینده دوغرانا
عدلوون شیعه اولوب دای بی نهایت تشنه سی
.
.
شیعه یه بسدور بوعالمده شعور بیر شعار
لافَتی اِلّا علی لاسَیف اِلِا ذوالفقار
امر ائله گلسون بالون اولسون عدالت برقرار
قویما قالسون شیعه لر لطف و عنایت تشنه سی
.
.
#حیدریه_محمد_سیمزاری
#حیدریه_مدح
#یاعلی_کل_جهان_اولموش_عدالت_تشنه_سی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  حسین گلمه دونوب رفتار کوفه #مسلمیه_محمد_لطفی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی