یا فاطمه کیمم من ائدم جان فدا سنه #فاطمیه_نصیری_میانجی

مدح حضرت زهرا (س)
.
✍️ #زبدةالاشعار ✍️
.
🆔: @nohe_torki
.
محمدرضا نصیری میانجی
.
یا فاطمه کیمم من ائدم جان فدا سنه
مین یول فدا ائدردی اوزون مصطفی سنه
.
مین ایل گرکدی حوزه درسونده فیض آلا
مریم یته مقام فضیلتده تا سنه
.
یازسون نه سوز مقامووه آواره شاعرون
اوز دفترینده سوز یازیب اول خدا سنه
.
یدّی جهاندان آلتی جهتدن بش اصلیدن
یوز یرمی دوت مین امت ائدللر دعا سنه
.
اصلونده جاه و منزلت و اقتداره باخ
چوخ فخریلن بابون بیوراردی آنا سنه
.
سن هر زمان دوراندا نمازین اداسینه
ایلردی یدی گویده نه وار اقتدا سنه
.
روحون امام پروریدی مرتضی کیمی
اون بیر امام اولوبدی جهاندا بالا سنه
.
از بس دوتوبدی سینه لرین عشق اقدسون
چوخداندی که آنا دییر اهل ولا سنه
.
سن بیر کریمه سن کرمون لایزالیدی
فرق ایلمز قاپوندا خدیو و گدا سنه
.
بیر منزلت واروندی که هئچ بیر نبی ده یوخ
هر بیر نبی دن آرتوخ اولوب فضل عطا سنه
.
وارد اولاندا ناقه ی نور اوسته محشره
حتی مفاخرت ائده جک انبیا سنه
.
کوثر فقط دگول سنه تنها بیر امتیاز
قرآندا التفات ایدوب حق بارها سنه
.
سبحانی چادرون چوخونو مسلم ایلدی
مدیون رسالت امری اولوب برملا سنه
.
فرق ایلمور عقیدمه ای مصطفی صفات
تقلید ائده پیمبره مخلوق یا سنه
.
هر کیم جفا ائدوب سنه ائتمیش پیمبره
پیغمبره جفا ائدن ائتمیش جفا سنه
.
پیغمبر گرام اگیلوب اوپدی اللرون
وئردی بو نوعی مرتبت اُول مقتدا سنه
.
اسلامی حی قیلدی بابون ، سن ولایتی
مدیوندی اوز ولایتنی مرتضی سنه
.
آلدی یانان قاپوندان حسین درس عشقینی
اولدی ولایتون ثمری کربلا سنه
.
سر لوحه ی مقامووه منشیِ روزگار
یازدی حسین بجرتمگووه مرحبا سنه
.
فضلون قوتارمیاندی ، جلالون قوتارمیان
قدرت هئچ الده یوخ یازا مدح و ثنا سنه
.
.
#فاطمیه_نصیری_میانجی
#فاطمیه_مدح
#یا_فاطمه_کیمم_من_ائدم_جان_فدا_سنه
#ترکی
.
✍️ #زبدةالاشعار ✍️
.
🆔: @nohe_torki