یثربدن ایستور آیریلا جبریله شاه دین #آذرین_خلخال

خروج از مدینه
.
✍️ زبدة الاشعار ✍️
.
🆔: @nohe_torki
.
آذرین خلخال
.
یثربدن ایستور آیریلا جبریله شاه دین
چون اولمادی ولی حقه اوردا بیر معین
اول گلوب بقیعه آنا قبرینه غمین
سسلندی دور بالاوی ایله بدرقه آنا
کرببلادی مقصدیمیز ایت بیزی دعا
.
.
دور سال یولا بو خانه بدوش آل هاشمی
سیل لطفیله بو گوزدن آخان قانلی یاشیمی
ایلر بلا احاطه بو یولاردا باشمی
باخ زینبون دویونجا قرا زلفینه ننه
آق زلفینن قییدباش اولار میهمان سنه
.
.
عباسیمون اوزون قولینی اوپ دویونجا سن
کرب و بلاده قلبینی قان ایلییرمحن
دیبدن سالاراو قولارینی فوج اهرمن
قد قامتینده گرچه اوزون سروه ده چاتار
بو قامتیله خیرداجا بیر قبریده یاتار
.
.
اکبر گلوبدی سنله وداع ایلسون بوگون
یوخ دور علاجی آیریلیقا نیلسون بوگون
سنلن گلوبدی درد دیلین سویلسون بوگون
لطف ایله گل اوقانلی منایه اورکده قان
جسمیم عباده خیمه عشقه گلن زمان
.
.
ایتسون وداع سنیله گلوب قاسم حزین
مقصد اولوب عروسینه ده قانلی سرزمین
الده حنا سی گیتمه لیدی زوج مه جبین
او قانلی قتلگاه اولاجاخ حجله قاسمه
بیرخلعت الده سویلوری گل جده یاسمه
.
.
دیداروه گلوبدی ربابیله اصغریم
ایستور وداع ایده سنی بو غنچه تریم
اوچ گون سوسوز قالار لب دریاده دلبریم
بو سود امرده مقتله آخر گیدر ننه
اوچ شعبه اوخ سوسوز بوغازین ذبح ایدرننه
.
.
اوغلون حسین بویولدا ولی استواریدی
وصلت یوخونلاشوب اودی کی بیقراریدی
یاره بویوک سعادت ایله وصل یاریدی
من عارفم گیدن یولا بیراهه گیتمرم
اولسم ده من یزیده ولی بیعت ایتمرم
.
.
یاز (آذرین) مدیحه حسینه بیلن قدر
بو بیلدیقون ده زندگووه چوخ ویررثمر
هرسایلی کرمله حسین ایتدی بختور
گیت بیر قدم حسینه ساری چوخ گلرحسین
بیر قطره یازدیقون سوزه ؛ دریا ویرر حسین
.
.
.
#خروج_مدینه
#یثربدن_ایستور_آیریلا_جبریله_شاه_دین
#آذرین_خلخال
#ترکی
.
✍️ #زبدةالاشعار ✍️
.
🆔: @nohe_torki