زبدةالاشعار

یخیلاندا غملی قطاریدن یره تشنه بلبلی زینبون #راه_شام_شایق_اردبیلی

حالات راه شام
.
✍️ #زبدةالاشعار ✍️
.
🆔: @nohe_torki
.
مرحوم شایق اردبیلی
.
یخیلاندا غملی قطاریدن
یره تشنه بلبلی زینبون
رهِ شامه بی جرس اول زمان
یول ائدوبدی محملی زینبون
.
.
بو ملالی شیعه تصور ائت
قالی گور نه حاله یتیم اوشاق
آناسیندان اون قدم آیریلا
قالا یولدا داله یتیم اوشاق
نئجه بس یخیلدی قطاریدن
یره بیر سه ساله یتیم اوشاق
گئجه وقتی قورخولی چول قالوب
ائله چولده نوگلی زینبون
.
.
گنجه نون قرانلوقی، وحشتی
او یتیمه چکدی حصار غم
چیخوبان فغانیله آهو تک
گوزی یاشلی قلبی فكار غم
نقدر قاچوب او دیارده
او خانم به سوی قطار غم
یتیشنمیوب یخیلوب یره
او ضعیفه سؤگلی زینبون
.
.
او قدر فغان ائدوب آغلیوب
یورولوب او دشتیده خواب ائدوب
یوزونی قویوب قومون اوستونه
یوخی قولاریندا طناب، ائدوب
باشی اوسته حضرت فاطمه
ائله بیر زماندا شتاب ائدوب
نه گورویدی تپراقون اوستونه
یخیلوب شیرین دلی زینبون
.
.
ایکی عالمون خانمی اونون
باشینی آلوب دیزی اوستونه
نظر ائتدی گوردی سکینه سی
الینی قویوب یوزی اوستونه
اگیلوب او نوگلی ایگلدی
گوزونی قویوب گوزی اوستونه
بالادان بالاسینون عطرینی
آلوب عقل کاملی زینبون
.
.
بط طرف سکینه ی مضطرى
آلوبان قوجاقینه فاطمه
او طرفدن عمه سی گوردی یوخ
دوه اوسته دوشدی تلاطمه
دوتوب اوز مدینیه عرض ائدوب
آنا گل نظاره قیل آهیمه
غمی تازه تازه عیان اولوب
یخیلویدی عاقلی زینیون
.
.
اوزینی آتوب دوه دن یره
او حزینه بلبلون عمه سی
دئدی هارداسان بابا وئر ندا
نیه گلمز آغلاماقون سسی
یتیشوبدی بیر یره کیم گوروب
آلوبان قوجاقینه جده سی
آناسین او حالیده گورجگین
اولوب حل مشگلی زینبون
.
.
بو یتیمه دائمی نوحه یاز
بئله «شایق» ایلمه بی نمک
یوخ الونده بیر حسنون سنون
گناهون واروندی اتک اتک
سال أوزون سکینه کمندینه
سنه بلکه زینب ائده کمک
گنهون دولاندیروب عکس ائده
.
.
.
.
.
#راه_شام_شایق_اردبیلی
#یخیلاندا_غملی_قطاریدن_یره_تشنه_بلبلی_زینبون
#ترکی
..
✍️ #زبدةالاشعار ✍️
.
🆔: @nohe_torki

متن پیشنهادی:  مُردم به بوی رُؤیت گمگشته تُربتی #فاطمیه_رونقی_مازندرانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی