زبدةالاشعار

یغ خیرداجا یولداشلاریمی باشیمه عمّه #حضرت_رقیه_فقیر_خویی

زبانحال حضرت رقیّه (س) در خرابه شام
.
✍️ #زبدةالاشعار ✍️
.
🆔: @nohe_torki
.
کریمی مراغه ای
.
یغ خیرداجا یولداشلاریمی باشیمه عمّه
بیر آغلیاق ایندی علی قارداشیمه عمّه
.
.
صبحه کیمی خون دلی اشگه قاتارام من
نه ناله دن آرام اولارام نه یاتارام من
اولدوز کیمی صبح اولدوزی چیخجاخ باتارام من
صباح گیجه باخسان یریمی بوش گوره جاقسان
توپراقیله بو زاری هم آغوش گوره جاقسان
.
.
مدتدی قالوب یولدا منیم گوزلریم عمّه
گلمور بو سفردن نیه بس اکبریم عمّه
آیا گیجه لر هاردا یاتور اصغریم عمّه
آلتی آیلیق که اوشاق آنادان آیریلا بولمز
گر ساغدی ندن بس آنا آغوشینه گلمز
.
.
شام اهلی علیل قارداشمون حالینه یانمور
گورمولّه مریضدی قوری یرده اوتورانمور
زنجیر کسور بوینونی آسوده یاتانمور
یوخ طاقت ایاق اوسته دوراندا بدن اینجیر
ایستور یاتا ناراحت ایدیر حلقۀ زنجیر
.
.
قمچی یری عمّه بدنیمده سایا گلمز
اوچ سنّیده بیر قیز بو فشاره دوزه بیلمز
آخر نجه اشگیم بو رخ زرده توکولمز
گون گلسه بو ویرانیه آی تک باتارام من
باشین بابامین سینمه آلام یاتارام من
.
.
ایندی اوزومی یثرب و بطحاده گوروردوم
قارداشیم علی اکبری رویاده گوروردوم
آلمیش منی آغوشه او شهزاده گوروردوم
باشیمه چکوب ال منه چوخ رأفت ایدوردی
صباح منی نازیله قوناق دعوت ایدوردی
.
.
رویاده گورودوم قوتولوب موسم هجران
قیزلار آلوب اطرافیمی مسرور و خرامان
اولکی تک اگنیمده گوزل خلعت الوان
صغرا باجیم ایلوردی منیم زلفمی شانه
سیلی دن اوزومده یوخیدی ذرّه نشانه
.
.
گوردوم یوخودا اصغره لای لای دیورم من
گهواره ده نازیله یاتوب ایتموری شیون
نه قولاریمیز باغلی نه اطرافیده دشمن
یل اسدی سپوب اوستومه تپراقی اویاندیم
گوردوم گینه ویرانه ده یم حسرته یاندیم
.
.
من شام یولوندا دَوَه اوستن یخیلاندان
تک یورقون او وحشتلی بیاباندا قالاندان
بیمارم او گوندن اورگیم پارچالاناندان
زجرین ستمیندن گینه وحشته یم عمّه
قمچی اثریندن چوخ اذیّتده یم عمّه
.
.
هیچ بولمدون عمّه من او صحراده نه چکدیم
قلبیم چابالاردی گوزومی ساق صولا تیکدیم
سالدیم آشاقا باشیمی گوز یاشیمی توکدیم
ظلمت گیجه نه آی واریدی گویده نه اولدوز
درنده لرین سسلری لب تشنه و یالقوز
.
.
آل بیرده بو مظلومه نی آغوشیوه عمّه
حسرتله قویوم باشیمی بیر دوشیوه عمّه
آهسته دیوم سوزلریمی گوشیوه عمّه
گزلندی بو سوز فاطمی ایستکلی باجیمدان
ایله منه بیر چاره یوخوم گلمور آجیمدان
.
.
زینب دیدی آز آغلا گوزوم نوری رقیّه
ای جور و جفا خسته و رنجوری رقیّه
آهونله کباب ایتمه بو مهجوری رقیّه
اولسون خانم عمون او شیرین دیللره قربان
ویرانده توپراقه باتان تیللره قربان
.
.
غم ایلمه بیر گون یتشر باشه بو ذلّت
ممکندی دوباره وطن اولسون بیزه قسمت
دیداریوه صغرا ایده جاق قیزلاری دعوت
عزتله آلار دوره وی قیزلار اولاسان شاد
اوللوخ داخی بو منزل ویرانه دن آزاد
.
.
دل قانینی گوز یاشوه چوخ قاتما آز آغلا
حسرتله غریب عمه وی آغلاتما آز آغلا
گل سینمه توپراقلارا چوخ باتما آز آغلا
نیسگلرون آفاقی قیزیم یاندیراجاقدور
بیر عمر «کریمی» سنه ماتم قوراجاقدور
.
.
#حضرت_رقیه_فقیر_خویی
#حضرت_رقیه_شهادت
#یغ_خیرداجا_یولداشلاریمی_باشیمه_عمه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  شد خزان در جوانی بهارم #جوادیه_لاادری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی