زبانحال حضرت رقیه (س) در خرابه شام
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم دلریش
.
یوخدور على بیر لحظه فراغت منه سن سیز
شام اهلی ایدر طعن و شماتت منه سن سیز
.
.
بیلمم سالوم هانسی غم و اندوهیمی یاده
قارداش باشینی هانسی باجی گوردی جداده
یا من کیمی کیم گلدی علی شامه پیاده
سیر ایت یتیشور گور نه مصیبت منه سن سیز
.
.
گوزدن منی سالما گوزومون نور و ضیاسی
بسدور من بیچاریه بو شمر جفاسی
شام أهلینون اما گورورم یوخدی حیاسی
عمداً بیله ایلله اذیت منه سن سیز
.
.
گوستر منه رخساروی ای روح روانیم
یوخدور بیلوسن فرقتوه تاب و توانیم
اکبر آدیدور شام و سحر ورد زبانیم
قان آغلاماق اولموش على عادت منه سن سیز
.
.
دل شیشه سینه ظلمیله شام اهلی ویروب سنگ
گوردوقجا باشون نیزه ده اولام علی دل تنگ
دوتموش مه رخساریوى اول طرۀ شبرنگ
اولموش بو جهان باللهی ظلمت منه سن سیز
.
.
زلفون تلینه قطره به قطره دوزولوب قان
گویا دییه سن بس دوزولوب دانه مرجان
دیندیر ہو بلالی باجووی من سنه قربان
قارداش کیمیله خوش گلی صحبت منه سن سیز
.
.
هروقت سنه ناله ایدنده من محزون
قویماز غمیمی شمر جفاجو ایده افزون
چوخ اینجیدر آخر من نالانی او ملعون
ایکاش اجل ویرمیه مهلت منه سن سیز
.
.
ابر آلتدا نهان ایلمه گل ماه تمامی
تار ایلمه گوندوز گوزی بو خطۀ شامی
گوستر یوزیوی برهم ایله بیر بو نظامی
تا ایتمیه لر بیرده ملامت منه سن سیز
.
.
ناگاه یل اسدی داغیلوب زلف سمن سا
اول ماه جبینون ایلدی نوری تجلا
آتدیله دف و دایره نی اهل تماشا
لیلا دیدی اولدی على حرمت منه سن سیز
.
.
روشن ایلدی شامی عجب ماه جمالون
دشمنلری مجذوب ایلدی خوش خط و خالون
مدتدی اوغول حسرتیم بزم وصالون
همدمدی غم و محنت فرقت منه سن سیز
.
.
قانیله دولان گوزلرون آچ ایله نظاره
عریان دوه اوستونده من زار و نگاره
قول باغلی چکلر بیزی هر راهگذاره
هردم ویروری یوز غم و محنت منه سن سیز
.
.
عرضیم بودی درگاهوه ای خالق عالم
بیر دفعه زیارت بیزه قیل ایله فراهم
«دلریش» گنهکاره بو حضاریله باهم
قسمت ایله یارب بودی حاجت منه سن سیز
.
.
#حضرت_رقیه_دلریش
#حضرت_رقیه_شهادت
#یوخدور_على_بیر_لحظه_فراغت_منه_سن_سیز
#ترکی
.
✍️ #زبدةالاشعار ✍️
.
🆔: @nohe_torki
نظر دهید