زبدةالاشعار

یوخ سوده گمانیم سویون یولون باغلیوبدی دونان اوغول على #اصغریه_گلشنی_تبریزی

زبانحال حضرت رباب (س)
.
✍️ زبدة الاشعار ✍️
?: @nohe_torki
.
گلشنی تبریزی
.
یوخ سوده گمانیم سویون یولون
باغلیوبدی دونان اوغول على
آغلاما گل نازیم آغلاما
ایتمه قلبیمی قان اوغول على
.
.
نچّه گوندی سویولّارین بیزه
سدّ ایدوب اوغول فرقۀ زبون
آغلاما منیم ایتمه دردیمی
دردیم اوستنه بیر بیله فزون
صبرایله گیدوبدور فراتیدن
سوگتورسون ایمدی گلر عمون
ایمدی سو گلر سو ایچر هامی
سو اولار فراوان اوغول على
.
.
سالموسان سن اوچ گوندی خرمن
جانوه سوسوز قالماقوندان اود
اود چخور سینوندن باشوندان اود
اللروندن اود درناقوندان اود
یوز گوزوندن اود اُنّیگوندن اود
کوینکوندن اود قونداقوندان اود
وای اولا منه بونه اودّی سن
دوشموسن یانورسان اوغول على
.
.
اود یاغور هوادن گونون اولوب
رنگ تابشی ارغوان کیمی
خیمه نون فضاسی اولوبدی داغ
کوره های آهنگران کیمی
سن بو اودّا اود دوتموسان قوری
بیر أودون اود ایچره یانان کیمی
من سنی بو اودان خلاص ایدم
یوخ الیمده امکان اوغول على
.
.
تنگ نادیم مانع اولماسا
عفّت و حیا گرمنه بالا
من سنی گوتورّم بو چوللری
باش آلوب دولانّوخ ننه بالا
یا سوسوزدان اولام هلاک یا
سو تاپارام آخر سنه بالا
یا بو دردیلن ئولم ایلرم
یا بو درده درمان اوغول على
.
.
شدت عطشدن وجودیوه
گه ایله دوشور حال ارتعاش
آل ایاق چالوب اوز یوزوولَن
سینمی منیم ایلوسن خراش
سینمی خراش ایله قوی آخوب
قانی درده گلسون یواش یواش
ورما ال یوزووه اگر الون
ورسان آغلارام قان اوغول على
.
.
گاه بند پیراهنون آچوب
پاره ایلرم صبر جامه سین
ایسترم بو طرزیله سینوون
اود ویرن یری تا سرینّه سین
گورّم اولمادی باغلارام گنه
قلبوون گورنده دوگونمه سین
بولمورم آچوم یا که باغلیوم
قالمشام من حیران اوغول على
.
.
اللریوی بند قماطیده
باغلادیم غم بی حسابدن
گوردوم اولمادی آچدیم اللرون
بولدوم اینجیدون من ربابدن
بو امیدیله ساکت ایلیم
تا دوشه دلون التهابدن
نیلوم أوزومی ایتورموشم
اولموشام هراسان اوغول على
.
.
أُوغچی نون الینده بیر اُوغ نجه
واپسینِ عمرون سووشدورار
یا تورا دوشن بیر بالیق نجه
گؤی یره سوسوزدان قووشدورار
دوشموسن او حاله آنان باخار
حالوه سینه سین أوغوشدورار
نیلیوم بالالار شیرین اولار
هر آنایه جاندان اوغول على
.
.
کشتی وجودون گهی ایله
بحر دیده ده غرق اولار جومار
گوزلرون آخار واپسین نفس
سینوه سالار واپسین شمار
اوندا هر طرفدن گورَر اولوب
ناامید آنان گوزلرین یومار
باشینه ورار سسلنر دیر
وای سوسوز بالام جان اوغول على
.
.
من سنون آناوام طنین اولان
وادی وجودوندا کی سَسَم
بو گناهیدور سن قالاسان آج
من سنون سودووی اوغول کسم
یوخ سودوم گذشت ایت بو أوچ گونی
آج سوسوز قالان جانوه قسَم
من اوزومده اوچ گوندی سن کیمی
هم آجام هم عطشان اوغول على
.
.
دفترغمه ایستیوب فلک
آد یازا ازلده سنی یازوب
چون بولوبدی سنسیز دوزنمرم
آدوون یانیندا منی یازوب
بو زبانحالی سنه منیم
اوز دلیمجه کی گلشنی یازوب
او یازانمازیدی ولی اوزون
سن ایدوبسن احسان اوغول على
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)

متن پیشنهادی:  ال سینه ده ویرانه بوجاقینده رقیّه #حضرت_رقیه_انور_اردبیلی

.
#اصغریه_شهادت
#یوخ_سوده_گمانیم_سویون_یولون_باغلیوبدی_دونان_اوغول_على
#گلشنی_تبریزی
#ترکی
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی