زبدةالاشعار

یورقونام کنار دمشقده دوشموشم توانادن آی ننه #زینبیه_انور_اردبیلی

زبانحال حضرت زینب (س)با حضرت زهرا (س) در حال احتضار
☑️ سوال و جواب
.
✍️زبدة الاشعار✍️
.
🆔: @nohe_torki
.
مرحوم انور اردبیلی
.
☑️ سوال :: زبانحال حضرت زینب سلام الله علیها
.
یورقونام کنار دمشقده
دوشموشم توانادن آی ننه
غصّه لر گرفتاری زینبون
آیریلور بو دنیادن آی ننه
.
.
سن گزن مصیبت آغاجلارین
شاخه شاخه گزدیم زمانه‌ده
یاندی درگهون ئولدی محسنون
وردیلار سنی صحن خانه ده
چکدیلرمنیم خیمه می اودا
بال و پر وروب آشیانه ده
بیر عقاب تک ایلدیم رها
ناخوشی او بلوادن آی ننه
.
.
کیم منیم کیمی غملی عمریده
روزگاریله پنجه نرم ایدوب
نامزد قیزی کاروانده
باش آچیق گورن وقته شرم ایدوب
قلبمون اودی اشک چشممی
چشمه مثلی چشممده گرم ایدوب
بیر کسیم حرارتلی اشکمی
سیلمیوبدی سیمادن آی ننه
.
.
بحردور مصیبتلریم منیم
منده غوطه‌ور بحره فی المثل
دست و پا وروردوم کرانیه
یتمیوردی نیلوم ئولونجه ال
آند اولا کفنسیز حسینمه
یاخشی وقت الیمدن دوتوب اجل
ساحل نجاته چخور قزون
موج خیز دریادن آی ننه
.
.
زهر غم اوشاقلیق زماندن
شیرین عمریمی ایلدی آجی
چون فلک سویوق باخدی زینبه
بختمون اودور قزمادی ساجی
یدّی قارداشیمدان بیری هانی
سسلنه باشیم اوسته آی باجی
بَهرَم اولمادی غصّه دن سوا
اسم با مسمّادن ای ننه
.
.
نقطه فرض قیلسون وجودیمی
دورمه وروب غصه دایره
شمع‌لر باشندان یانار منی
سر بپا دوتوب سوز نایره
سوزناکتر نسگلیم بودور
گلمشم خوشوم گلمین یره
اینجیوبدی روحیم ننم جانی
شام فتنه بر پادن آی ننه
.
.
گوگلوم ایستیور شامده سنی
گل اجل گلن بسر اوستونه
آخرین نفس لطف سایه‌سین
سال بو جسم نیلوفر اوستونه
غصه لر سارالدان یوزی قویوم
محسن اممین دوشلر اوستونه
من اوخای دیوم سنده آخ دی
جان دوشنده یارادن آی ننه
.
.
مُهر مِهر عشق حسینیله
باغلورام بوگون عشق دفترین
من آچانمدیم غسل ایدن گلر
باشمون آچار قاره معجرین
شمر خنجریندن دوتان الیم
قوّه یوخ سیله آلنومون ترین
پر توان مصیبت توانمی
سلب ایدوبدی اعضادن آی ننه
.
.
غسل ایدنده یثربده نصف شب
مغسل اوسته شیر خدا سنی
اوخشاما دیوردوم حزین حزین
اوخشیوردوم ای بینوا سنی
اوخشاما دیین یوخدی زینبه
ایستیور بو بی اقرباسنی
منتظر قالوب آغلیان گوزوم
کچمه بو تمنّادن آی ننه
.
.
.
.
☑️ جواب :: زبانحال حضرت زهرا سلام الله علیها در هشتک زیر
#دستگیر_اولوب_شامه_گلموسن
.
.
#سبک_ساخلا_ناقه_می_کاروانیدن و … 8 سبک سینه و زنجیر
.
.
#زینبیه_شهادت
#یورقونام_کنار_دمشقده
#انور_اردبیلی
#آخرین_یادگار_انور
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  توفیق خدادن بو گویول مرغی پر ایستر #کربلا_راجی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی