شهادت حضرت قاسم علیه السلام
.
✍️ زبدة الاشعار ✍️
?: @nohe_torki
.
نوازی هشترودی
.
یوزی اوسته دوشدی آتدان بدنینده یاره قاسم
دورا ایسته دی ایاقه یخیلوب دوباره قاسم
.
.
ایلیوبله هر طرفدن گینه حمله دسته دسته
یوخیدی توانی دورسون او همای پر شکسته
یره دوشدی پرسیز عنقا سورونوردی قوملار اوسته
تاپا بیلمدی او چولده داخی راه چاره قاسم
.
.
او قدر ویروبدی یاره اونا لشگر ستمگر
قان ایچینده گل مثالی داغیلوبدی قانلی پیکر
یارالار آچوردی گل تک وورولوردی نیزه خنجر
یوزونی دوتوب خیامه گلوب آه و زاره قاسم
.
.
دیدی گل عمو هرایه کسیلوبدی راه چارم
دورا بیلمورم ایاقه بدنیمده چوخدی یارم
باشیمی کسوللر ایندی گوزی یولدا انتظارم
بیلوسن یامان گونومدی یانوری شراره قاسم
.
.
ایشیدوب حسین او دمده اوزی گلدی قتلگاهه
ساتاشوب گوزی ایلیکی او یارالی بی پناهه
دیدی گلمیشم اوغول دور کمک اول بو تشنه شاهه
غمون آز دگل بو چولده من دلفکاره قاسم
.
.
آچ او قانلی گوزلرون بیر یانورام اوغول فراقه
بیلورم که چوخدی یاره ن دورا بیلموسن ایاقه
نچه گوندی دیمیوب سو گورورم یانان دوداقه
ویروب اود بو حال زارون دل بی قراره قاسم
.
.
گتوروبدی قانلی نعشی دیزی اوسته شاه محشر
دیدی دور گیدک خیامه سنی گوزلیور حرملر
نه اولار منیله بیر دم دانیشا بو قانلی لبلر
دانیشانموسان اقلا ایله بیر اشاره قاسم
.
.
#سبک_سو_یوخومدی_قزلاروندان (بیش از 5 سبک)
.
.
#قاسمیه_شهادت
#یوزی_اوسته_دوشدی_آتدان_بدنینده_یاره_قاسم
#فتح_الله_خدانواز
#ترکی
.
✍️ #زبدةالاشعار ✍️
?: @nohe_torki
نظر دهید