یوسفندن آیریلوب یعقوب اگر قان آغلادی #اکبریه_کاتب_اردبیلی

در سوگ یوسف کربلا
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
یوسفندن آیریلوب یعقوب اگر قان آغلادی
اکبرین اما تاپوب شاه شهیدان آغلادی
.
.
گرچه اولدی یوسف صدیقه مسکن چاهده
یوسف کرب و بلا دوغراندی لشگرگاهده
تشنه جان وئردی جهاد فی سبیل اللهده
ایلدی بو یوسفه اول یوسف افغان آغلادی
.
.
گرچه بیر مدت مکانی یوسفون زندان اولوب
شوکت و جاهیله آخر مصریده سلطان اولوب
فرقتینده روزوشب یعقوب اونون گریان اولوب
ایلدی برپا اوزیچون بیت الاحزان آغلادی
.
.
جان فدای همت یعقوب دشت کربلا
گئچدی اکبر تگ اوغولدان ایلدی حقه فدا
قالدیار بو همته مبهوت کل ماسوا
انبیا و اولیانی قویدی حیران آغلادی
.
.
اکبره هاردان مقابل یوسف کنعان اولور
یوز ائله یوسف أونونچون تابع فرمان اولور
حقه قرباندور اوزی عالم اونا قربان اولور
محنتینده قدسیان اولدی نواخوان آغلادی
.
.
مصربده یوسف جمالی خاص و عامی محو ائدوب
اکبرون حُسن رخی قوم ظلامی محو ائدوب
جلوه ی نور جمالی اهل شامی محو ائدوب
هر گورن زلفی کیمی اولدی پریشان آغلادی
.
.
عالم و آدم فدا شاه شهیدان صبرینه
حق یولوندا ال چکن بیله اوغولدان صبرینه
آفرین اولسون داخی لیلای نالان صبرینه
آغلیاندا نامراد أوغلینا پنهان آغلادی
.
.
اکبر یوسف لقائه «کاتبا» یاز نوحه لر
شرح قیل محنتلرین آغلا اونا شام و سحر
قیل بو فردی گوشزد جاری ائله اشک بصر
تاپدی نعش اکبری شاه شهیدان آغلادی
.
.
.
#اکبریه_کاتب_اردبیلی
#اکبریه_شهادت
#یوسفندن_آیریلوب_یعقوب_اگر_قان_آغلادی
#ترکی
.
✍️ #زبدةالاشعار ✍️
.
🆔: @nohe_torki