یا مهدی
.
✍️ زبدة الاشعار ✍️
.
?: @nohe_torki
.
هدایتی تبریزی
.
یوللاردا گوزوم قالدی نگاریم نیه گلمور
دوشدی ئورگیم تنگه قراریم نیه گلمور
.
بیر عمردی هی آرزیلارام صحنیه گلسین
ادرکنی اولوب دلده شعاریم نیه گلمور
.
ایستیر ئورگیم سایه سینه بیر سخلایدیم
نور بصریم شاءن وقاریم نیه گلمور
.
گون گچدی ، گچیب هفته آییم ایلده دولاندی
عمروم قوتارور سوگلی یاریم نیه گلمور
.
ای میکده نین ساکنی ای ساقی مستان
سن سویله گوروم دیده خماریم نیه گلمور
.
گر گلماقنی ویرسه منه کیمسنه مژده
بذل ایلیرم هر نه که واریم نیه گلمور
.
مین چهره پری دلبر اونا تای گله بیلمز
یارین یری بوش ، بوشدی کناریم نیه گلمور
.
گلسین قدمین گوزلریمه لطفوله قویسون
آرتسین شرفیم ، آرتسین عیاریم نیه گلمور
.
او گلسه گلستانه دونر دشت و کویریم
گل لر سارالیب گچدی بهاریم نیه گلمور
.
چوخ عاشقی وار منتظری چوخدی او یارین
گوز یولدا قالیب خرد و کباریم نیه گلمور
.
بلبل اونون عشقیله غزلخواندی چمنده
گوزلور اونی دلخسته قناریم نیه گلمور
.
گوز تیکمیش (هدایت) یولا شایو گله یاری
صلب اولدی داخی صبر و قراریم نیه گلمور
.
#مهدیه
#یوللاردا_گوزوم_قالدی_نگاریم_نیه_گلمور
#هدایت_تبریزی
#ترکی
.
✍️ #زبدةالاشعار✍️
.
?: @nohe_torki
نظر دهید