زبدةالاشعار

یومدی گوزون رقیه خلاص اولدی شمردن #حضرت_رقیه_عندلیب_تبریزی

شهادت حضرت رقیه سلام الله علیها
.
✍️ #زبدةالاشعار ✍️
.
🆔: @nohe_torki
.
عندلیب تبریزی
.
یومدی گوزون رقیه خلاص اولدی شمردن
دینجلدی ویردی خاتمه غم روز گارینه
.
شمع وفانی یاد اجل ایلدی خموش
پروانه لر یغیشدی او شمعین جوارینه
.
ووردی هامی باشینا رقیه دیه دیه
دوشدی رقیه وای سسی سامین دیارینه
.
زینب دیدی کناره گیدون دیندیریم ئوزوم
شاید ویره جواب بو محنت دچارینه
.
یئردن گوتوردی باشینی آهسته آغلادی
گوردی باتوب جمالی خرابه غبارینه
.
دوتقونسسیله سسلدی عمن ئوله اویان
ویرمز مگر جواب قیزیم یار یارینه
.
ناز ایلوسن منه سسیمی یا ایشیدموسن
عادتدی ناز ایدر گل همیشه هزارینه
.
نعشین آلوب قوجاقه بیر آزقاچدی صاق صولا
مرهم تاپانمادی دل ناپایدارینه
.
ئولدی دیدی خرابه ده گون گورمین بالام
سالدی فلک مدارینی غربت مدارینه
.
قالسا جنازه یئرده حرملرهلاک اولار
تیز دفن ایداخ سالاق یولا بزم نگارینه
.
غساله حاضر ایتدیله ویرسینله غسلونی
غساله نین قاریشدی گونی لیل تارینه
.
بیر خیردا قیز جنازه سی گوردی خمیده قد
آویزه گلدی صدمه یتوب شاخسارینه
.
باشون سالوب اشاقه ئورکلندی آغلادی
آگه اولوب حکایت اندوه یارینه
.
بیر گوز دولوسی زینبه باخدی دیدی خانم
سن کوینگین چیخات ایله آماده کارینه
.
غسلون نجه قورتاردیلا واضح دینمرم
یازسون قویانمارام قلمون اختیارینه
.
بعضی یارا واریدی گرگ دگمیدی سو
اولدی او سو مقدمه قان چشمه سارینه
.
زینب کفن دالیجا دولاندی تاپانمادی
دوتدی قرا کفنی رخ شرمسارینه
.
قیلدی امام ساجد او طفلون نمازینی
ایتدی دعا او کوی وفا رهسپارینه
.
زینب دیدی وصیت ایدیب تاپشوروب منه
قبرون ئوزوم قازام یتورم اعتبارینه
.
هرسمتینی دولاندی خرابه حصارینون
ازبس نظر سالوبدی یمین و یسارینه
.
جز خشت و پاره دن صورا بیر زاد تاپانمادی
شرم ایلدی بیرینی چاغیرسین کنارینه
.
قبرون نئی له قازدی نجه قازدی بولمورم
مین یول ئولوب دیریلدی یتوردی مزارینه
.
غم چکمه عندلیب دوام ایت بو درگهین
هرزاد ویرله نوکر امّیدوارینه
.
.
#حضرت_رقیه_شهادت
#یومدی_گوزون_رقیه_خلاص_اولدی_شمردن
#حضرت_رقیه_عندلیب_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یانّام باخارام بو اَرییَن پیکره زهرا #فاطمیه_حضرتی_هاتف

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی