زبدةالاشعار

یوم میلاد خانم فاطمۀ اطهرده #فاطمیه_علی_تیموری

در مدح و میلاد حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
#علی_تیموری اردبیلی
.
یوم میلاد خانم فاطمۀ اطهرده
بئله فرمایش ائدیب ختم رسل منبرده

بویوروب امّتینه سید سالار بشر
خلق اولوب روحیمله نوریم ایکی پیکرده

اوّلی یار وفاداریدی پیغمبروزه
دوّمی خلق اولونوب دختر پیغمبرده

آلاجاق معرفتین درسینی زهرا مندن
اولاجاق خصلیتنون اوخشاری چوخ حیدرده

کیم اونا ایلسه حرمت منه حرمت ائلیوب
فرقی یوخ احمدیله فاطمۀ اطهرده

متن پیشنهادی:  قبرون نه عجب عطر فشاندور آنام اوغلی #اربعین_خوندل_تبریزی

اولاً مظهر خلقتدی بونا یوخ شبهه
ثانیاً خدمت ائدن مزدین آلار آخرده

بئله اظهار ائلدی بوخبری روح الامین
شأن زهرانی خدا وصف ائلیوب کوثرده

تا خدا خلق ائلیه آدمی آب و گلدن
خلق اولونموشدی بونون نوری رُخ دیگرده

اونا بیر رتبه عنایت ائلیوب ربّ ودود
واردی بو رتبه او بانوی همایونفرده

کیم اذیّت ائده عالمده یقین فاطمه نی
یوم محشرده گرفتار اولاجاق چوخ درده

متن پیشنهادی:  الهی گوللریم تالاندی #حضرت_ام_البنین_حضرتی_هاتف

بیرین عفو ایلسه گر حشرده دلبند رسول
قالماز اُول نامۀ اعمالی اونون اللرده

چون قیامتده شفاعت ائلین خلقی اودی
امتین واردی گوزی چونکه بو خواهشگرده

قانلی قنداق علی اصغری آلسا الینه
بی گمان فاطمه حاضر اولاجاق محشرده

آلتی آیلقدی ولی باب الحوائج آقادی
نه گوزل منصب والادی علی اصغرده

دیه جک اوغلومون عاشقلری بیربیر گلسون
کیمده وار عشق حسین قالمیاجاق کیفرده

بولار اسباب شفاعتدی سیزه ای امّت
اصل بخششده کی مختصّیدی تک داورده

متن پیشنهادی:  یثربده بشیرون سسی هنگامه یاراتدی #ورود_مدینه_حافظی_تبریزی

باباسی ختم رسل دور سیزیچون راهنما
قویماز امّت قالا محشر گونی درد سرده

کیمه اللّه بوگوزل مرحمتین ائتسه عطا
قالاجاق روزجزا محضر پیغمبرده

خوش اونون حالینه «تیموری» اوگون ختم رُسل
بویورا غصّه یمه واردی آدون دفترده

سنیده روز جزا ختم رُسُل عفوائله سین
اولسا تقصیروخطا سن کیمی بیر نوکرده

.
.
#فاطمیه_مدح
#فاطمیه_میلادیه
#یوم_میلاد_خانم_فاطمۀ_اطهرده
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی