زبانحال حضرت لیلا (س) در بالین حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
یوواردیم آب گل عطرداریدن زلفون
نئجه گوروم اوتوربلدور غباریلن زلفون
.
دوتوبدی قاش گوزیوی قان سووا یوخومدی گمان
گوزوم یاشیله یووم قوی عذاریلن زلفون
.
هزار حیف اولا بو قامته هزار افسوس
ووروب یخوب یئره جلاد نابکار افسوس
.
نئجه اوپوم على اکبر یارالی سینوندن
نئچه آغیر یارا بیر بوسه گه ده وار افسوس
.
او لخته قانیله دولموش گوزه آنان قربان
چتین بو داغیوه لیلا دؤزه آنان قربان
.
الهی یاندیم الهی بو یاندیران درده
یخوبلا گور نئجه دلبندیمی برابرده
.
سرین سو ایچمرم عمریم نقدری اولسا منیم
سوسوزلوقیلا بهارینده سولدی یاسمنیم
.
گوگول صحیفه سینه نقش اولوب جمالون على
یوزونده قان قوریوب گیزلنوبدی خالون على
.
گون ایستی سینده یاتویسان عجب فراغتله
نئجه یاتوبسان اوغول بو قدر جراحتله
.
یارالی نعشیوه بأخدوقجا ای ملک سیما
یانور یانور اورگیم بیلمورم نئدیم آیا
.
او ماه رودن اؤپوم یا سوسوز دوداقوندن
او قانلو گوزدن اؤپوم یا اؤپوم ایاقوندان
.
منی آیرسالا بیر لحظه دؤزمرم سن سیز
دمشق و کوفه نی گزسمده گزمرم سن سیز
.
بلایه دوشدی باشیم یوخ بو درده درمانیم
آدون اولور دلیمون ازبری چیخار جانیم
.
دوشوبدی کشتی عمریم غریبه طوفانه
محالدور که بو گردابیدن چیخام یا نه
.
.
#اکبریه_شهادت
#یوواردیم_آب_گل_عطرداریدن_زلفون
#یحیوی_اردبیلی
#اسرار_عاشورا
#ترکی
.
✍️ #زبدةالاشعار ✍️
.
🆔: @nohe_torki
نظر دهید