مناجات سیدالشهدا علیه السلام در قتلگاه
.
✍️ #زبدةالاشعار ✍️
.
🆔: @nohe_torki
.
فانی تبریزی
.
یکه و تنها قالوب میدانیده سلطان دین
نور چشم مصطفی سر حلقة اهل یقین
.
عالم شوق و وَلَه ده پادشاه ملک عشق
طاقتون آلموشدی گویا زخم تیغ آهنین
.
نغمۀ «وَجَّهتُ وَجهی» دلده سرگرم حضور
مست و مدهوش جمال حضرت جان آفرین
.
آه واویلا اوساعتدن که قوم ظلم و کین
بیر جفا ایدی بویاندی قانه اول غرّا جبین
.
مه جبینندن آخوب قان دولدی چشم مستنه
ماسوانی دوتدی اول بیدادن داد و انین
.
عین عین اللّهی قان دوتدی اوقانی سیلماقا
قوزادی دست خدائی گوشة پیراهنین
.
قلبِ قلبِ عالم اولدی آفتاب آسا عیان
بوسه گاه ایتدی او قلبی ناگهان بیر تیرکین
.
اوخ کی دیدی قلبینه قان اولدی قلب کاینات
سیندی اسلامه اولان بو ظلمیله حصن حصین
.
تیره و تار اولدی یکسر شش جهات و نه قباب
آشکار اولدی جهاندا شور روز واپسین
.
جملۀ ذرّات عالم آب و آتش، باد و خاک
باتدی یکسر ماتمه اول غصه دن اولدی غمین
.
ناله و افغانه گلدی جملۀ افلاکیان
نازل اولدی عرش اعلادن یئره روح الامین
.
بو مصیبتدن پریشان اولدی جمله ماسوا
پردۀ ماتم چکیلدی گویلره مثل زمین
.
تا که جاری اولدی ثاراللّه یئره یاحق یازیب
کربلا دشتی سراسر اولدی رشگ ناف چین
.
قویدی یوز درگاه حقده سجدیه سلطان عشق
اولدی مشغول ثنای ذات ربّ العالمین
.
عرض ائدیب عشقنده یارب ماسوادن گیچموشم
بندۀ مسکینوم ایاک نعبد نستعین
.
یوخ گلایم درد و محنتدن نه فرمان ایله سن
حکموه تابع دی دلدن پور ختم المرسلین
.
من رضاوه راضیم ای خالق ارض و سما
امریوه تسلیم محضم دلدن ای جان آفرین
.
سالک عشقم طریق عشقده تعلیم ایدوب
بوسلوکی قائد هستی امیرالمؤمنین
.
سیرۀ جدّیمدن اوتری من شهید اولاّم که تا
اولماسون بازیچه احکام خداوند معین
.
وئرموشم یتمیش ایکی قربان منای عشقده
تا یئرین آلسون جهاندا حکم و دستورات دین
.
من تحمّل ایلرم مینلر بلا و محنته
اولماسون تعطیل تا مفهوم آیات مبین
.
من فراموش ایتموشم دنیا و مافیهانی تا
اولموشام یاد لقائیله بوگون خلوت نشین
.
شکر للّه جمله یاران باش و جان ترکین قیلوب
اولدولار منزلگه قرب و لقاده همنشین
.
لطف و احسان ایله یارب شاعر و مدّاحمه
«فانی و فیروزی» فیروز ایله روز واپسین
.
گلدی سس درگاه عزّ لم یزلدن گوئیا
گل حسینیم گل که سن سن زینت بزم لقا
.
#قتلگاه
#حسینیه_فانی_تبریزی
#حسینیه_شهادت
#یکه_و_تنها_قالوب_میدانیده_سلطان_دین
#ترکی
.
✍️ #زبدةالاشعار ✍️
.
🆔: @nohe_torki
نظر دهید