آنام باجی گورورم بیر یانان دل آختاروسان #کوچ_کربلا_کهنمویی

کوچ از قتلگاه
سوال و جواب
..
زبانحال حضرت زینب (س) از مرحوم #کهنمویی و مرحوم #رجایی_تبریزی
#اورک_غمین_دیماقا_بیر_یانان_دل_آختاریرام
..
زبانحال امام از مرحوم #کهنمویی
#آنام_باجی_گورورم_بیر_یانان_دل_آختاروسان
..
زبانحال امام از مرحوم #شهاب_تبریزی
#ای_گلستاندا_اوز_گلینی_آختاران_باجی
..
..
..
..
جواب حضرت حسین (ع) بر خواهرش
..
..
..
..
مرحوم کهنمویی
..
..
..
..
آنام باجی گورورم بیر یانان دل آختاروسان
دوشوب صعوبته حلال مشکل آختاروسان
..
..
دولانما بو چولی گل سمت گلستانه اگر
ایتورمیسن بو گلستاندا بیر گل آختاروسان
..
..
..
..
ویرنده جان بو چوخور یرده سنله همدلیدیم
حیات مرحله سنده شکسته محملدیم
الینده شمرین او موقعده مرغ بسملدیم
حسین حسین دیوسن مرغ بسمل آختاروسان
..
..
..
..
بوغازیما سو یرینه توکنده گوز یاشوی
تلاش ایدردون عدو گورمسون آچوق باشوی
دوشن یرینده دولان تاپ یارالی قارداشوی
اگر سرشکیله تخمیر اولان گل آختاروسان
..
..
..
..
اسوبدی باد ستم سولدوروب هامی گولومی
جفای زاغ و زغن لال ایدوبدى بلبلومی
گتور یانونجا گلنده رقیه سویگلومی
وصال بزمه اگر شمع محفل آختاروسان
..
..
..
..
حقیقت اهلی ایدر سیر شاهراه طرف
پناه گاهی اولانلار گیدر پناهه طرف
یولوی سال ای آنام باجی قتلگاهه طرف
طپیده قلبه گر، آرامش دل آختاروسان
..
..
..
..
یازیلماز عشق مقالاتی دفتره کاغاذا
گرکدور عاشق اولان عشقی لوح دلده قازا
گتور دوداقلاریوی قوی بو نحر اولان بوغازا
بلایه صبر ایله ، گر حلّ مشکل آختاروسان
..
..
..
..
مقام عشقده عشّاقه رهنما اولدوم
بلایه لا دیمدیم، هر غمه رضا اولدوم
بلا سفینه سینه اوندا ناخدا اولدوم
دایان جفایه اگر عشق کامل آختاروسان
..
..
..
..
سنوب گمی سویا غرق اولدى ناخدا اوزیده
یتیشدی ایمنه غمدن اولوب رها اوزیده
سنیده قورتاراجاقدور بیلور خدا اوزیده
کناره چخماقا هر لحظه ساحل آختاروسان
..
..
..
..
مریضه هانسی طبیب ایلیوب فدا جاننی
اؤز ئولماقندا مریضین تاپویدی درمانینی
مریض دینه دوا ویرمیشم اورک قانینی
دالیمجا سیر ایله طیّ مراحل اختاروسان
..
..
..
..
گیرنده کوفیه سرحدّ صبریوی یخما
شماتت ایتسه زیاد اوغلى قلبوی سخما
دانش جوابنی ویر حدّ صبردن چخما
اگر بو نحلۀ صبرونده حاصل آختاروسان
..
..
..
..
«ریاضی» ایلمه غفلت یاخونلاشوبدی اجل
دوروب یول اوسته ئولوم قاصدی دیور تیز گل
اوزون عمل ایله دینه که دین عملدی عمل
دئ خلقه حق سوزی گر محو باطل آختاروسان
..
..
..
#کوچ_کربلا_کهنمویی #ترکی #زبدةالاشعار