آچ گوزون ای اکبر آهو نگاهیم آچ گوزون #اکبریه_تائب_تبریزی

زبانحال حضرت سیدالشهدا (ع) در بالین فرزند
..
..
..
..
مرحوم تائب تبریزی
..
..
..
..
آچ گوزون ای اکبر آهو نگاهیم آچ گوزون
ای گل اوزلی غنچه لب زلفی سیاهیم آچ گوزون
..
..
..
..
ای یارالی پیش مرگ راه اولاد خلیل
ای منای عشق قربانی اولان تشنه قتیل
باش و جان ویردون سپاه عشقیمه اولدون دلیل
ای دلیل راه جان برکف سپاهیم آچ گوزون
..
..
..
..
واردی جانانیله عهدیم سوز همان عهدیم همان
لیک بو غوغاده قالمیشدیم بَدادن ناگران
بو بَدانی گوتدی یول أوستن آخان قانون عیان
جان نثاریم ره گشای شاهراهیم آچ گوزون
..
..
..
..
قطع الفت گرچه یاندیردی دل آگاهیمی
لیک سن گتدون اَلَه بو نَشئَه ده دلخواهیمی
قانویله ایلدون محکم کلام اللهیمی
ای فدای راه قرآن الاهیم آچ گوزون
..
..
..
..
باغ عمریمده اولان نورسته نخل حاصلیم
ای منیم آرام جانیم ای سویدای دلیم
واردی تار عشقوه دلبسته یاسلی بیر ایلیم
گوزلوری بیر سلسله دیده براهیم آچ گوزون
..
..
..
..
خیمه لرده ایمدی عمّه ن محشر کبرا قوروب
اهل بیتیم انتظاریله یول اوستونده دوروب
باشون اوسته آه و ناله م نینوانی دولدوروب
کربلا دشتی اولوبدور حشرگاهیم آچ گوزون
..
..
..
..
بیله که یورقون یارالی سوزیله ساز ایلوسن
یاندیرورسان قلبیمی دردیله دمساز ایلوسن
گوز آچانمورسان و یا بو حالده ناز ایلوسن
ناز بسدی نازنین آهو نگاهیم آچ گوزون
..
..
..
..
ای صف رزم غزائ یده اولان زرّین کمر
ای درخت مصطفائیده اولان شیرین ثمر
ای سپهر مرتضائیده اولان رخشان قمر
گون باشون اوسته گلوب رخشنده ماهیم آچ گوزون
..
..
..
..
یر ویرن ای عشق جانانه دل آگاه ده
ئوز وجودین محو ایدن شور اوسته عشق اللهده
عشق قربانی بو شورانگیز قربانگاه ده
ای منیم سرمایۀ اعزاز و جاهیم آچ گوزون
..
..
..
..
سن چالاندا ال ایاق قان ایچره باغریم قان اولور
رنگوی سولموش گورنده رنگ رخساریم سولور
قان اولور باغریم گوزوم خونابیله بیله دولور
عارضه گوزدن آخور خونین میاهیم آج گوزون
..
..
..
..
گل سولار گلشنده اما سن کیمی سولماز على
دیدۀ نرگس گوزون تک قانیله دولماز على
قامتون تک هیچ صنوبر سرنگون اولماز على
جویبار عشقده سرو سیاهیم آچ گوزون
..
..
..
..
سن نه اسماعیله بنزورسن بو قربانگاهده
نه چاتار یوسف سنه شأن و جلال و جاه ده
گلدی یعقوبین سنی تاپدی بو خونین چاه ده
ای یارالی یوسف داور پناهیم آچ گوزون
..
..
..
..
دیل آچاندا صحبته هروقت هرساعتده من
گل آدین ایلردیم ای عمریم بھاری سرسخن
سوزلریم تک ساکت اولسیدیم قالاردون دیلده سن
ای سکوت سینه م ای ذکر شفاهیم آچ گوزون
..
..
..
..
ای گل گلزار عمریم ای قتیل جورخار
مصرعون ایلوب قانین آخدوقجا عشقی لاله زار
اوخشارام بو لاله زار عشقده مثل هزار
چولقار عرش اعظمی فریاد و آهیم آچ گوزون
..
..
..
..
تائبا اکبر غمینده آغلیوب آلعبا
سس چک آغلا سنده اول آلعبایه همصدا
مطلعی مقطعده یاز سسلردی شاه کربلا
آچ گوزون ای اکبر آهو نگاهیم آچ گوزون
..
..
..
#اکبریه #تائب_تبریزی #اکبریه_شهادت #ترکی #زبدةالاشعار