ئولوب حسینیمون گجه عزیزه مهربان قزی #حضرت_رقیه_نادربابایی

زبانحال حضرت زینب (س) در شهادت حضرت رقیه (س)
.
✍️ #زبدةالاشعار ✍️
.
🆔: @nohe_torki
.
حاج نادر بابایی
.
ئولوب حسینیمون گجه عزیزه مهربان قزی
نجه قویوم مزاره من الهی باغریقان قزی
.
.
غروب ائدوب خرابه ده مدینه ماه پاره سی
گئدور مزاره یاسلیدور باشیندا واردی قاره سی
بالام ئولنده حیف اولا یوخیدی گوشواره سی
فلک الیمدن آلدی تز بو شامیده همان قزی
.
.
همیشه گون باتان چاغی بالام توکردی گوز یاشی
اونون آدین گرک دیم همیشه نوحه لر باشی
اوولدی بخت گوزگیسی دگنده ظالمین داشی
گئدور مزاره بو گجه او شاه انس و جان قزی
.
.
گجه زمانی گورمیشم گوزوندن اشک تر آخور
الیله گوز یاشین بالام او توزلی صورته یاخور
گمان ائدردیم اوندا من جوان ئولن ننم باخور
روان اولاردی گوز یاشیم گورنده ناگران قزی
.
.
ننم کیمی باخان گوزه اولام گرک فدا ئوزوم
خموش اولوبدی بو گجه شیرین دیلیم آلا گوزوم
سحر زمان خرابه ده باتوب منیم دان اولدوزوم
روادی ایندی اوخشاسا زمین و آسمان قزی
.
.
گوزوم یاشی خرابه ده یازوبدی شرح حالیمی
رقیه نسگیلی منیم چوخالداجاق ملالیمی
نجه گئدیم مدینیه ایتورمیشم مارالیمی
خرابه ساخلادی همان ننه مه اوخشیان قزی
.
.
.
#حضرت_رقیه_نادربابایی
#حضرت_رقیه_شهادت
#ئولوب_حسینیمون_گجه_عزیزه_مهربان_قزی
#ترکی
.
✍️ #زبدةالاشعار ✍️
.
🆔: @nohe_torki