زبانحال امام صادق (ع) (1)
..
..
..
..
معروف اهری
..
..
..
..
ای امامت آناسی
باشلانور شیعه یاسی
آنا گل اوغلون ئولور
وار ئورکده یاراسی
گوزی یوللاردا باخور یوللارووا
گل ووروم بوسه سئنان قوللاروا
..
..
..
..
یئتیشوب پیک اجل
اوخیور غملی غزل
سرفراز ایله منی
سنده بالینیمه گل
غم منه دست فلک یازدی ننه
تئز یئتیش فرصتیمیز آزدی ننه
..
..
..
..
دشمنیم ائتدی ستم
دولدوروب سینه می غم
عمریمون آخری گل
قوی گوزوم اوسته قدم
منی جدّیم کیمی سال یاده آنا
ئولورم گل یئتیش امداده آنا
..
..
..
..
جگریم یاندی ننه
قلبیم اوتلاندی ننه
او طبیبانه باخیش
منه درماندی ننه
منی درک ایلدی بو ساعت ئولوم
گل گوروم گوزلریوی راحت ئولوم
..
..
..
..
یورولوب روح و تنیم
اریوبدور بدنیم
لطف ائدوب گلسن اگر
گتور الده کفنیم
آنا خوشدور باشیم اوسته گله سن
قبلیه ساری منی دوندره سن
..
..
..
..
گل دولی گوزلریلن
گوزده اشک تریلن
منه یاس ساخلاماقا
گل قرا معجریلن
دوت عزا اوخشاما دِئ آغلا منه
ئولورم گل گوزومی باغلا ننه
..
..
..
..
(1) این متن مناسب شهادت سایر ائمه اطهار علیهم السلام نیز می باشد.
نظر دهید