زبدةالاشعار

ای دل دیار غربته بیر کاروان گئدیر #کوچ_کربلا_عاجز_سرابی

کوچ از کربلا و راه شام
.
✍️ #زبدةالاشعار ✍️
.
🆔: @nohe_torki
.
مرحوم محمد خليفه عاجز گرمه رودی(عاجز سرابی)
.
ای دل دیار غربته بیر کاروان گئدیر
غمدن دوتوب او قافله بار گران گئدیر
.
بیلمم ووروب او قافله نی هانسی راهزن
خلقی فغان و ناله چکر، باغری قان گئدیر
.
محمل نشینی قارا گئییب سربسر نولوب
گوزدن سرشک آل توکوب ساربان گئدیر
.
بنزر بو کاروان اونا کیم زینب فگار
قویموش دیار شامه یوزون ناتوان گئدیر
.
یغمیش باشینا بیر نئچه بختی قرالری
مویه کنان شامه او شاه زمان گئدیر
.
یخماز سکینه ناله سی طاقین اونون مگر
دور ایلییب بو طور ایله بو آسمان گئدیر
.
ممکن دیر ای سپهر او گوندن او بیکسین
داغ فراق اکبر رعنا جوان گئدیر
.
عاجز بو مُلک و مال و منالا گوونمه ین
بیر گون یئتر کی یئتمز الین، خانمان گئدیر
.
دوت دامن حسینیوی گوزدن سرشک توک
الده بو درّ ناب قالیر نقد جان گئدیر
.
یارب، نولوبدو شاه علمداری بیلمنم
کلثوم بینوا چکیر آه و فغان گئدیر
.
.

#کوچ_کربلا_عاجز_سرابی
#راه_شام
#ای_دل_دیار_غربته_بیر_کاروان_گئدیر
#ترکی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...