استمداد حضرت قاسم (ع)
.
✍️ زبدة الاشعار ✍️
?: @nohe_torki
.
حاج داود بیدق داری (داور)
.
ای سرور عالم یتش امداده عموجان
من گوزلیورم سن گَله سن داده عموجان
.
.
دریای بلا موج ائلیوب عرصه ده داشدی
توفان بلا باشدان عمو سیل تک آشدی
دورت سمتیدن اعدا بودل افکاره اَل آشدی
فرصت یتشوب فرقۀ بیداده عموجان
.
.
اکبر ئولنی یوخدی داخی میل حیاتیم
خوشدور گله بالینمه تئز پیک مماتیم
ئولمکدَه دی چونکه بیلورم راهِ نجاتیم
واردور نظریم عزّتِ عقباده عموجان
.
.
گوزلور علی اکبر منی منده سنی الان
گل باشیم اوجالسون گویه ای آیت یزدان
گلدی ئوز آتام قتلگهَه گوزلری گریان
لطف ایلدی بو خاطری ناشاده عموجان
.
.
اوندانکی آتام اولدی شهیدِ رهِ جانان
سایونده منی ساخلادون ای سرور دوران
وئردون منه اوغلون سیاقی عزّتی شایان
الاندا عنایت ائله گل داده عموجان
.
.
ای قصدِ قیام و هدفی عالمه اَظهر
لبخندی رضای حقِ سبحانه برابر
گل گورنجه عشقونده باتوب قانه بوپیکر
قان ایچره شناوردی بوآزاده عموجان
.
.
قورتاردی داخی غملی باشیم دردوبلادن
اکبردالسیجا گیدورم کرب وبلادن
مرغ دل آچوب پر اوچا بو دار جفادن
قالمور داخی روحیم قوشی دنیاده عموجان
.
.
سیندی سوموگوم آتلار ایاقینده گل ای جان
نازک بدنه بستر اولوب گورنجه آلقان
تئز گل ائلیوم جانیمی رخساریووه قربان
ای رهبر اولان عالم ایجاده عموجان
.
.
#سبک_ای_باد_صبا (بیش از 7 سبک)
.
#قاسمیه_شهادت
#ای_سرور_عالم_یتیش_امداده_عمو_جان
#بیدقداری
#ترکی
.
✍️ #زبدةالاشعار ✍️
?: @nohe_torki
نظر دهید