زبدةالاشعار

ای صورتی آئینۀ ایمان عم اوغلی #فاطمیه_سعدی_زمان

زبانحال حضرت فاطمه زهرا (س) به حضرت علی(ع) و عزاداری ایشان برای حضرت رقیه (س)
.
.
مرحوم #سعدی_زمان
.
ــــــــــــــــــ
#سبک ها
#سبک_ای_درد_بی_درمانلارا … 10 سبک
ــــــــــــــــــ
#سبک_یا_فاطمه_من_عقده_دل_وا_نکردم
واگیر برای این سبک :
مظلوم علی جان – قربانون اولّام (2)
ــــــــــــــــــ
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر برای این سبک :
زینب دیور ایوای ننه
جانیم فدا اولسون سنه
مظلوم علی جان …
ــــــــــــــــــ
.
ای صورتی آئینۀ ایمان عم اوغلی
قورتاردی وصلون، باشلانور هجران عم اوغلی
.
.
اگلش باشیم اوستونده ای قرآن ناطق
ایله تلاوت آیۀ قرآن عم اوغلی
.
.
ای اسمی اسمِ اعظم باری تعالی
شخصیت برجستۀ دنیا و عقبی
نفس محمّد، عالم امکانه مولی(1)
محکوم حکمون عالم امکان عم اوغلی
.
.
الله قادر ایلیوب بیله مقدَّر
جان تاپشوراندا صورتون گورسون ئولنلر
جان اوسته دور زهرا گل ای روح مصوَّر
سال سایه باشیم اوستنه بیر آن عم اوغلی
.
.
ای قطبِ عالم، عالم امکان پناهی
اعمال خلقین هر ایکی دنیا گواهی(2)
مین مرده جسمه جان ویرور چشمون نگاهی
عالم سراسر جسمدور، سن جان عم اوغلی
.
.
ای مؤمن و کافرلرین رنج و فتوحی(3)
فُلک النّجاتین عالم امکاندا نوحی(4)
زهرانین آز قالدی اولا بو مرغ روحی
دام بدندن جنّته پرّان عم اوغلی
.
.
حبّون بهشت عدندور، بغضون جهنم (5)
سندن جوازی اولمیان ای میر عالم
گچمز صراطی، جنّته گیتمز مسلم(6)
اعماله سنسن حشرده میزان عم اوغلی(7)
.
.
اون سگز ایل عمر ایلدیم دار فناده
بیر گون اورکدن گولمدیم بو غم سراده
ثانی جفاسی دردیمی ایتدی زیاده
اولدی گجه گوندوز گوزوم گریان عم اوغلی
.
.
ایلوب بابام طاها منی دعوت بهشته
زینت ویروبدور خالق یکتا بهشته
ویرمز ولی وصلون سنون زهرا بهشته
سنسیز نه جنت؟ ای گل رضوان عم اوغلی
.
.
عمریمده سندن ایتمدیم بیر خواهش اصلا
بو سون نفسده ایلورم سندن تمنا
حقون حلال ایله منه ای جان زهرا
ایله بو غملی گوگلومی شادان عم اوغلی
.
.
ئولسم من ای فرمانده تشریع و تکوین
اغیاره بولدورمه ئولوب زهرای غمگین
ایله اوزون مخفی منه تغسیل و تکفین
تشیعه حاضر اولماسون دونان عم اوغلی
.
.
آگاه سن قنفذ ووروب چوخ تازیانه
ویر کوینک اوستن غسلیمی شاها شبانه
تا ثدی مجروحیمده کی خونین نشانه
قالسون گوزیندن زینبون پنهان عم اوغلی
.
.
محسن ئولن گوندن اولوب رنگیم پریده
ایلوب بو سرو قدیمی محنت خمیده
من ئولمدیم ثانی منی ایتدی شهیده
قالماز یقین یرده بو ناحق قان عم اوغلی
.
.
ثانی ووراندا چکمدون کسگین حسامی
فرمایش ایتدون یتمیوب ظلمین ختامی
اوغلوم امام عصر آلار بو انتقامی
دوزدوم دایاندیم ایلدیم اذعان عم اوغلی
.
.
ای خاکپائی توتیا چشم سهیله
گزلنجه دفن ائت قبریمی هم گزلین ایله
چوخ آغلاما گوز یاشوی دوندرمه سیله
زهرا او آغلار گوزلره قربان عم اوغلی
.
.
اعلام مظلومیّته ای تاجداریم
بیر زنده شاهد دور منیم ایتگین مزاریم
گیزلین مزاریم کشف اولا ، وار انتظاریم
اوغلوم گله تا ایلیه اعلان عم اوغلی
.
.
بیرده گُتورمه یاعلی گوز مجتبادن
هر قدر ناز اولسا دایان دُؤز مجتبادن
دؤندرمه ای وجه خدا یوز مجتبادن
قویما آناسیزلیق ائده نالان عم اوغلی
.
.
آرام قلب بی قرار اوغلوم حسیندور
روح وجود زخمدار اوغلوم حسیندور
فُلک النجاه روزگار اوغلوم حسیندور
ای کشتیِ ایجاده کشتیبان عم اوغلی
.
.
جسم حسینی بسلیوب زهرا دل اوسته
راضی دگولدیم باش قویا برگ گل اوسته
قان آغلارام من ایمدیدن بو نسگل اوسته
خولی کول اوستونده ایدر مهمان عم اوغلی
.
چوخ خوش دیلیله زینب کبرانی دیندیر
چک نازینی بو خسته و نالانی دیندیر
ظاهرده زینب باطناً زهرانی دیندیر
هر وقت آنا سسلنسه سسله جان عم اوغلی
.
.
بو آخرِ عمریمده ای گنجور دانش
بو امّ کلثومی سنه قیلّام سفارش
خوردا اوشاقدور چوخ اونا ایله نوازش
قیل غنچه تک گول لبلرین خندان عم اوغلی
.
.
سرمشق وئر تا ایلسون بو امره عادت
ائتسون یتیمه قیزلارا مهر و محبت
اولسا رقیّه شامیده پابند محنت
اولسون مواظب ائتمسون افغان عم اوغلی
.
.
ویرانۀ شامی وئرر قوم اراذل
پربسته قوش تک عترت اطهاره منزل
باخمازلار ، ایلوبلر اولار طیّ منازل
ایلَلَّه طعنه قوم بوسفیان عم اوغلی
.
.
ویرانه بیر ویرانۀ بی سقف و دیوار
گون ایستیسیندن خورداجا قیزلار سیزیلدار
تیره ترابه یوز قویار اولاد اطهار
هر بیر یارالی دلده بیر عنوان عم اوغلی
.
.
عاجزدی اول ویرانه نین شرحینده دللر
آدی خرابه ، توپراقی افلاکه زیور
اوردا دوشر آهو کیمی دامه حرملر
سجّاد اولار ویرانیه دربان عم اوغلی
.
.
گلزار عصمت نوگلی نازلی رقیه
اوغلوم حسینه سؤگلی نازلی رقیه
شاخ امامت بلبلی نازلی رقیه
ایلر نوا چون مرغ خوش الحان عم اوغلی
.
.
گوندوز گوزینده شام تک غمدن اولار تار
نه همدم و مونس اولار نه کیمسه غمخوار
بو امّ کلثومه ائدر اؤز دردین اظهار
تا بلکه ائتسون دردینه درمان عم اوغلی
.
.
اوغلون «حسینی» ای شه اقلیم تکوین
ایلور حسینون آرزو ششگوشه قبرین
لطف ایله اولسون یولداشی جمله محبین
گلسون بو ایل بو وقفه قربان عم اوغلی
ـــــــــــ
(1) ،(2) ، (3) ذخائرالقبی ، ینابیع المودّة ، غایة المرام ، احادیث متعدد از شیعه و سنی
(2) سوره توبه آیۀ 105
فَسَیَرَى اللّهُ عَمَلَکُمْ وَ رَسُولُهُ وَ الْمُؤْمِنُونَ …
(4) لفّ و نشر مشوّش
(5)مناقب ابن شهر آشوب
(6)بصائر الدّرجات و ینابیع المودّة
(7)زیارت هفتم
.
.
#فاطمیه_شهادت
#خرابه_شام
#حضرت_رقیه_شهادت
#ای_صورتی_آئینه_ایمان_عم_اوغلی
#آثارالحسینی1 ص 44
#ترکی
.
.

متن پیشنهادی:  ای شهید مکتب قرآن سلام اولسون سنه #قاسم_سلیمانی_قادر_خانبابایی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی