زبدةالاشعار

ای منیم بو غملی گونده یار و غمگساریم عمه #حضرت_رقیه_هوشی_تبریزی

زبانحال حضرت رقیه (س) در خرابه شام
.
.
#سبک_سو_یوخومدی_قزلاروندان … بیش از 5 سبک
..
..
مرحوم غلامعلی باقری الهامی ( هوشی تبریزی)
.
.
ای منیم بو غملی گونده
یار و غمگساریم عمه
اود دوتوب شرار غمدن
قلب داغداریم عمه
.
.
جانیمه دوشوب شراره
قلبیمی ایدوبدی یاره
دور ایاقه ایله چاره
سلب اولوب قراریم عمه
.
.
بیریتیم غم نصیبیم دلده واردی چوخ ملالی
جاریدورعذاره گوزدن دمبدم سرشگ آلیم
شاهزادیم اگر چه قالمیوب ولی جلالیم
مونسیم اولوبدی ناله درد وغصه یاریم عمه
.
.
یوخ بویرده سندن اوزگه بیرنفرمنیم پناهیم
شاهزادیم اگرچه قالمیوب جلال وجاهیم
واریری سمایه دلدن اوج ایده فغان وآهیم
اودویرارجهانه یکسرآه شعله باریم عمه
.
.
سن منه دیورسن ایلوب هی بابام سفر ای عمه
سویله بیرهاچان سفردن بس بابام گلر ای عمه
نه اوزی گلور سفردن وارنه بیرخبر ای عمه
هرزمان قالوب یولوندا چشم انتظاریم عمه
.
.
شه مگرسفر ایدنده اهلینی آتار ای عمه
اهلبیتی قانه گوزده اشگینی قاتار ای عمه
تپراق اوسته شاهزاده قیزمگر یاتارای عمه
چخماسین نجه سپهره دلدن آه وزاریم عمه
.
.
شه سفرایدنده عمه گوزدن اهلبیتین آتماز
شه قیزی سرشگ چشمین حسرتیله قانه قاتماز
شاهزاده قیزمنیم تک بیله تپراق اوسته یاتماز
تپراق اوسته دوریتوبدورحال احتضاریم عمه
.
.
.
بلبلم گلوم اولوبدو ر توش آفت خزانه
باغریمی ستمله خار غصّه دوندروبدی قانه
صبح وشام اودورکه گلّم عمه نی کیمی فغانه
گوزیاشی توکرعذاره چشم اشگباریم عمه
.
.
بلبلم اولوبدی عمه ظلمیله پریم شکسته
اهل کین ایدوبدی خسته جانیم دوباره خسته
اولموشام طناب درد ومحنتیله پای بسته
شب کیمی گوزومده اولمش تیره روزگاریم عمه
.
.
من گل بهار باغ شهریار مشرقینم
چوخ سویرمنی بولورسن من اوشاهه نورعینم
یعنی عمه جان توان و طاقت دل حسینم
فرقتنده قان اولوبدور قلب بیقراریم عمه
.
.
دردوغم زیادتندن شمع دل اولوبدی خاموش
اولموشام بویرده دائم دردومحنته هم آغوش
ساقی بلا الیندن جام محنت ایتمشم نوش
دلده جوش ایدردمادم درد بیشماریم عمه
.
.
اهل کین منه بساط محنت و الم قوروبلار
پا پیاده آت دوشنده چولریدولاندوروبلار
دست ظلمیله ز بسکه سیلی جفا ورو بلار
ضرب سیلیدن اولوبدورنیلگون عذاریم عمه
.
.
صرصرستمله عمه بیرخزان اولا ن گلم من
گلشنیم اولوبدی غارت ظلم الیله خوندلم من
دوشمشم چمندن آیری بیر نوالی بلبلم من
آغلارام گیدوب خزانه گلشن بهاریم عمه
.
.
بلبلین مزاری هرآن خوابگاهی گلشن اولسون
گل بوداغی گل کناری دائمانشیمن اولسون
نه روامنه ای عمه بوخرابه مسکن اولسون
گل آدی اولوبدی دلده دمبدم شعاریم عمه
.
.
بو خرابه یرده بسکه هرگلن شمادت ایلر
ایسترم اُلوم دُعامی خالقیم اجابت ایلر
اولماسا کفن بسیمدورکوینگیم کفایت ایلر
قوی مزاره کوینگیمله آرتا افتخاریم عمه
.
.
(هوشیا) رقیّه حالین روز وشب کتابت ایله
توک عذاره اشگ چشمون توشۀ قیامت ایله
ویرمسه امان سرشگین بو سوزه کفایت ایله
ای منیم بوغملی گونده یار و غمگساریم عمه
.
.
.
.
.
.
#حضرت_رقیه_شهادت
#ای_منیم_بو_غملی_گونده_یار_و_غمگساریم_عمه
#هوشی_تبریزی
#ترکی
#زبدةالاشعار

متن پیشنهادی:  ای وفا گنجینه سی نو گل طاها #فاطمیه_معروف_اهری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی