ای مه دولانما بوگئجه اصلا مدینیه #اکبریه_معتکف

در ولادت حضرت علی اکبر (ع)
.
.
#زبدةالاشعار
.
: @nohe_torki
.
مرحوم حاج علی اصغر زاهدی
.
ای مه دولانما بوگئجه اصلا مدینیه
یا چیخما یا کیم ایتمه تجلا مدینیه
.
گزلت أوزون سپهرده ابر سیاهله
آهسته قیل نجوم آرا ایما مدینیه
.
خیره اولوبدی بو گئجه افلاکیان گوزی
سنده فلکدن ایله تماشا مدینیه
.
ذرات کاینات اولوب چشم اشتیاق
خیره اولوبلا جمله مُعلّى مدینیه
.
یاددان چخوب دی بو گئجه ای گون بو شهرده
مهر ولا سالوب ایله غوغا مدینیه
.
لیلایه لیل تاری ایشیق گوندوز ایلیوب
ایلوب نزول شبه نبی تا مدینیه
.
یرلرده بیر یر اولماز آچا دل ترنّمه
گر رشک آپارسا وادی سینا مدینیه
.
موسی هایاندادور ید بیضائیله گلوب
ایتسون نظاره طور مُصفّا مدینه
.
سیناده گر چه محو تجلای یار اولوب
گورسون حلول ایدوب او تجلّا مدینیه
.
گر لَن ایشیتدی طوریده ارنی دین زمان
لَن کلمه سی طنین سالا حاشا مدینیه
.
اَرنی دیوب بو طور تجلّاده شوریله
آچسون شعفله دیدۂ بینا مدینیه
.
مستور ایلسین ید بیضانی چون سالوب
مین جلوه نور مشعل بیضا مدینیه
.
گرچه غروب شمس و هدا گونلری ایدوب
مدّتدی نَصِّ لیلۀ یلدا مدینیه
.
الدن ویرندن اهل مدینه پیمبری
غم گردی اگلشوبدی سراپا مدینیه
.
باب فرح آچیلدی سیلندی غبار غم
تا گلدی نور دیدۀ طاها مدینیه
.
اهل مدینه نین چوخی غفلتده دور هله
بیلمولَّه کیم گلوب شهِ بطحا مدینیه
.
یا أهل یثرب آگه اولون مصطفادی بو
بو دفعه چوخ جوان گلوب امّا مدینیه
.
بو احمد جواندی گلوب شهر یثربه
عزّت ویروب دوباره او مولا مدینیه
.
پیغمبرین جوانلیقنین حسرتین چکن
هر یرده وار دیون گله حالا مدینیه
.
گلدی نشانه خَلقاً و خُلقاً پیمبره
اولدی عیان او لفظه مُسمّا مدینیه
.
اکبر دیوللر آدینه احمد نشانه سی
سایه سالوب بو مه رخِ زیبا مدینه
.
عطر بهشت و نکهت نفس مُحَمّدی
هر سمتدن دولوبدی غم افزا مدینیه
.
اکبر آدیله کونه ویروب عزّت و شرف
جدّین گتوردی زادۀ زهرا مدینیه
.
اون سگّیز ایل قوناقدی ولیکن بو شهرده
قویمازلا قالسین اول قدی رعنا مدینیه
.
کرب و بلا بساطى قورانلار جفائیله
طرح ایلیوبله بیر غم عظما مدینیه
.
شامات و کوفه اهلی چکوبله قلجلارین
باب مصیبت آچماقا گویا مدینیه
.
دوغراللا بو جوانی آتاسی باخا باخا
یولّلالّا باغریقان نچه ثکلا مدینیه
.
ایوای او وقتدن الى قوینوندا اشکبار
خم قدّیله گلر گینه لیلا مدینیه
.
بیر نحویله سیزیلدار اوغول وای دیر گلوب
گویا اونیله محشر کبری مدینیه
.
ال ساخلا معتکف ولی عرض ایله یا على
یا کربلایه ایسته گلوم یا مدینیه
.
#اکبریه_معتکف
#اکبریه_میلادیه
#ای_مه_دولانما_بو_گئجه_اصلا_مدینیه
#ترکی
.
#زبدةالاشعار
.
: @nohe_torki