ای پیکری گل تک اولان خندان اوغول وای #اکبریه_فریدی

زبانحال حضرت امام حسین (ع)
بر بالین حضرت علی اکبر (ع)
..
..
..
..
سبک ها #سبک_ای_درد_بی_درمانلارا …
و با اضافه کردن واگیر :
#سبک_یا_فاطمه_من_عقده_دل_وا_نکردم
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
حاج علی اصغر فریدی
..
..
..
..
ای پیکری گل تک اولان خندان اوغول وای
جانانینه عطشان اولان قربان اوغول وای
..
..
..
..
باشدان گئچیب لاله صفت قانه باتیبسان
ایستی قوم اوسته نازیله راحت یاتیبسان
ناز ائیلیسن یا کی منی گوزدن آتیبسان
جسمین اولوبدور زینت میدان اوغول وای
..
..
..
..
گل پیکرین یئرده اولوبدور پاره پاره
گویا وروبدور هر یئتن بو جسمه یاره
آج گؤزلرین بو حالیمه ائیله نظاره
قویما غمینده چوخ اولوم نالان اوغول وای
..
..
..
..
هر بیر جوان ترک ائتسه بو دار فنانی
قان آغلادار یولداشلاری پیر و جوانی
گئتسم نئجه آرام ائدیم زین العبانی
ایلر فراقین طاقتین نالان اوغول وای
..
..
..
..
قارداشی اؤلسه هر باجی ساخلار عزاسین
اشکین تؤکر باشه سالار قارداش قراسین
بزم عزاده فرش ایدلر طوی لباسین
آغلار آناسى ذکر ائدر هر آن اوغول وای
..
..
..
..
گر اؤلسه بیر تازه جوان آغلار جوانلار
قاره گئییب اشگین یوزه باغلار جوانلار
سوز غمیله دللری داغلار جوانلار
خاصه آتاسی چوخ اولار گریان اوغول وای
..
..
..
..
آتدان یئره دوشدون سسین گلدی خیامه
صبریم آزالدی اولمادیم قادر قیامه
دؤندی ایشیق گوندوز گؤزومده تیره شام
ائتدى فراقین قلبیمی سوزان اوغول وای
..
..
..
..
اؤز عهدیوه ایتدین وفا مقصوده چاتدین
گؤزدن آتیب بو عالمی آلقانه باتدین
سالدین ایاقدان سن من زاری قوجاتدین
اولدی انیسیم ناله و افغان اوغول وای
..
..
..
..
سنده فریدی اکبره یاز نوحه آغلا
بزم عزاده اشکوی رخساره باغلا
سر مطلعی ذکر ایت دوباره سینه داغلا
ای پیکری گل تک اولان خندان اوغول وای
..
..
..
#اکبریه #فریدی #اکبریه_شهادت #ترکی #زبدةالاشعار