ای گوزوم کرب و بلاده جلوه دیداره باخ #اربعین_سیدبشیرحسینی

اربعین
..
..
..
..
..
سیدبشیر حسینی میانجی
..
..
..
..
..
ای گؤزوم! کرب و بلاده جلوه‌ی دیداره باخ
اربعینده ییرمی بئش میلیون نفر زواره باخ
کعبه ی جاندور حسین
جانِ جاناندور حسین
..
..
..
..
..
اربعین آئینه ی آیین عاشورا اولوب
قطره قطره مثلی زائرلر گلوب دریا اولوب
عشق آلتی گوشه لی بیر قبریده معنا اولوب
عشقه باخ عُشّاقه باخ عاشق گؤزینده یاره باخ
..
..
..
..
..
باخ نجفدن کربلایه گؤرمَلی موکب لره
گؤر نئجه تأثیر ائدوب حق، دین لره مذهب لره
زائری اوخشات گئجه گؤیده گزن کوکب لره
میزبانه، میهمانه، خدمته، رفتاره باخ
..
..
..
..
..
ترجمه ایلوم امام صادقین گفتارینی
حضرت زهرا دعا ایلر حسین زوارینی
سیر ائدر جان بلبلی کرب و بلا گلزارینی
بلبله باخ، نغمه یه باخ، سیره باخ، گلزاره باخ
..
..
..
..
..
مشتری دور ای بشیر اهل ادب بو سؤزلره
سؤزلرون اوخشور اوجاق ایچره یانیقلی کؤزلره
ئوپ قابار اولموش ایاقلارین توزون چک گؤزلره
کربلانین توپراقیندا عطره باخ آثاره باخ
..
..
..
..
..