بابا جان بو نصف شبده بو بلاده خوش گلوبسن #حضرت_رقیه_کریمی_مراغه_ای

زبانحال حضرت رقیّه (س)
..
..
..
..
..
مرحوم کریمی مراغه ای
..
..
..
..
..
باباجان بو نصف شبده بو بلاده خوش گلوبسن
بو خرابه ده سالوبسان منی یاده خوش گلوبسن
..
..
..
..
..
بابا بیلمدیم ازلده سنی پیشواز ائدوم من
منی بیرده آل قوجاقه سنه کشف راز ائدوم من
نه عموم نه قارداشیم وار کیمه بیرده ناز ائدوم من
منه وئرماقا تسلّى بو بلاده خوش گلوبسن
..
..
..
..
..
بابا سن کیمی امیره بو مکاندا یوخ لیاقت
گوزوم اوسته قوی ایاقون منی ایلمه خجالت
سنه کیم دئدی مریضم گلوب ایلدون عیادت
قالا قویمادون جنازم بو آراده خوش گلوبسن
..
..
..
..
..
من او بلبلم اسیر قفسم چمن سیز ئوللم
بو خرابه گوشه سینده یاتارام وطن سیز ئوللم
نه مزار اولار نه خلعت بولورم کفن سیز ئوللم
بیلورم کفن تاپولماز اسراده خوش گلوبسن
..
..
..
..
..
بابا هئچ یتیمه من تک بو قدر شماتت اولماز
نه چراغ وار نه بستر بئله استراحت اولماز
یاتا بیلمورم آجیمدان اورگیمده طاقت اولماز
نئجه صبر اولار بو ظلمه صغراده خوش گلوبسن
..
..
..
..
..
بابا سندن آیریلاندان بئله دوشمیشم نظردن
نه بیر ایلین حمایت من زار و خونجگردن
گئجه گوندوز انتظارم گله قارداشیم سفردن
ز بس آغلادیم چاغیردیم سنی داده خوش گلوبسن
..
..
..
..
..
منی ایلدی زمانه آتاسیز بو اوچ یاشیمدا
بو صغیر سنّیلن گور نئچه قاره وار باشیمدا
اورگیم دونوبدی قانه گورونور بو گوزیاشیمدا
منی گورماقا مکان فقراده خوش گلوبسن
..
..
..
..
..
بو خرابه گوشه سینده باباجان سولوب سارالدیم
منه باخدی گولدی قزلار باشیمی اشاقه سالدیم
قوجاقوندا بسلمیشدون منی گور نه حاله قالدیم
نئجه بیر اوشاق دایانسون بو جفاده خوش گلوبسن
..
..
..
..
..