بار الها دردمندم چون دوا مشتاقیم #مناجات_علی_اکبری

مناجات
..
..
..
..
علی اکبر علی اکبری اُشتبین
..
..
..
..
بار إلها دردمندم چون دوا مشتاقیم
عاشق کوی وفایم خوش صفا مشتاقیم
..
..
..
..
مهربانا خالقا أی رحمةً للعالمین
ای امید و آرزو و ملجأ مستضعفین
گلمیشم درگاه با اخلاصیوه من شرمگین
بار سنگین گناهیله لقا مشتاقیم
..
..
..
..
بندۀ خوار و ذلیل و روسیاهم ای اِلاه
کیمسیه یوخدور گمانیم بی پناهم ای اِلاه
بندۀ عاصیم و غرق گناهم ای اِلاه
باب احسان و کرامتدن عطا مشتاقیم
..
..
..
..
لطف و احسانون سنون شامل دور هر جنبندیه
دائماً رحمتله درگاهون آچوخ دور بندیه
بیر نظر قیل لطفیله بو بیکس و شرمندیه
آه سوزیله نگاه کبریا مشتاقیم
..
..
..
..
عزّت دنیا و عقبانی وئرن سن سن خدا
عشق و ایثاریله احسانی وئرن سن سن خدا
عالمه نظمیله سامانی وئرن سن سن خدا
ای منظّم نظم کلّ ماوَرا مشتاقیم
..
..
..
..
ای کرامت صاحبی ای حیّ علام الغیوب
ائتمه رسوا بنده وی یا ربّ ستار العیوب
عفو قیل احسان ائلهه یا نورُ غفّار الذّنوب
عذرخواهم نادمم لطف و سخا مشتاقیم
..
..
..
..
باخمیشام دوزدور هوای نفسیمه خوار اولموشام
دیو نفس و دیو جُهّاله گرفتار اولموشام
گنج عمر الدن گیدوبدور چوخ زیانکار اولموشام
دویموشام اغیار لردن آشنا مشتاقیم
..
..
..
..
سائلم لطف ایله سن ای معدن جود و سخا
من خطا ائتدیم ولی سن ائتگلن یا رب عطا
« اکبری » قیرماز امیدین قلبده واردور رجا
درس آلوب لا تقنطوا دن چون رجا مشتاقیم
..
..
..
..
#مناجات #علی_اکبری
#بار_الها_دردمندم_چون_دوا_مشتاقیم
#ترکی
#زبدةالاشعار