بو بلالی یر خلیل عشق ایچون منادی زینب #ورود_کربلا_کهنمویی

ورود به کربلا
..
..
..
..
مرحوم کهنموئی
..
..
..
..
بو بلالی یر خلیل عشق ایچون منادی زینب
مدفنیم همین بو یردور ارض کربلادی زینب
..
..
..
..
ترک خانمان ایدوب من گلمیشم بو سرزمینه
قویمیام خلل یتیشسون تا اساس شرع و دینه
باشیمی جدایه وورسون دین یولوندا اهل کینه
قارداشون حسین بو امره قلبدن رضادی زینب
..
..
..
..
ای عزیزهٔ برادر بو گروه بی مروت
یازدیلار نقدری نامه ایتدیلر حسینی دعوت
بیر ایچیم سویا قویالار بیزلری بو چولده حسرت
مردمان شام و کوفه گورنه بی حیادی زینب
..
..
..
..
ای شریک غم حسینه وی بلالر آشناسی
هر بلا یتیشسه صبر ایت واردی خالقون رضاسی
بو زمین پر خطرده چوخدی باشیوون بلاسی
علتی اودور هواسی بیله غمفزادی زینب
..
..
..
..
ایلرم وفـا بـو چــولـده عهد عالم السته
اوچ گجه گونوز یارالی قالام ایستی قوملار استه
اهل بیتیمی چکللر بزم عامه دسته بسته
آل حیدره ایدللر هر نه که جفادی زینب
..
..
..
..
من اوزوم باجی بو نوعی وعده ویرمیشم خدایه
صبر ایدیم بو دشت غمده هر مصیبت و بلایه
گیدیرم کفن اوز اوغلوم شبه ختم الانبیایه
چون ازل فدا بو یولدا شبه مصطفادی زینب
..
..
..
..
طوی دوتام بو دشت غمده یادگار مجتبایه
بو عروسی طوی گونونده نی کیمی گله نوایه
ناله و صدای شیون یردن اوج ایده سمایه
هانسی بیر جوانه طویدا اوز قانی حنادی زینب
..
..
..
..
اصغریم یانار سوسوزدان دلده قالماز اختیاری
هر دله اولار مؤثر دود آه پر شراری
حرمله الیمده اوخلار تشنه لب او شیرخواری
هانسی دینده شیرخواره بو ستم روادی زینب
..
..
..
..
بیر به بیر گیدر الیمدن هر نه واردی یار و انصار
غرق خون اولور ستمله قارداشیم رشید علمدار
عاقبت سوسوز کسللر باشیمی بو چولده اغیار
جسمیمه خدنگ و تیر و خنجر آشنادی زینب
..
..
..
..
بار درد و غمدن آخر سرو تک قدون اَیَللَر
شادیانه لوخ لباسین مرد و زن باجی گییَللَر
چنگ و نای و دف چالولار دلده ناسزا دییَللَر
شهر شامده تمامی غملی انتهادی زینب
..
..
..
..
بو عزاده «کهنموئی» آغلاسن گل آه و زاره
سیل تک سرشک چشمون باغلا صفحۀ عُذاره
یاز حسین دیلینجه بیرده غم شریکینه دوباره
بو بلالی یر خلیل عشق ایچون منادی زینب
..
..
..
..
#ورود_کربلا #کهنمویی #ریاضی_تبریزی #ترکی #زبدةالاشعار