زبان حال خانم رباب به علی اصغر (ع)
..
..
..
..
..
#سبک_خداحافظ_ای_آنام_باجی … #سبک_شیرین_سوزوم_آیدین_اولدوزوم … #سبک_عم_اوغلی_چوخ_گل_سارالار
..
..
..
..
..
مرحوم کریمی مراغه ای
..
..
..
..
..
جفای عدوانیدن سولان لای لای اصغریم لای لای
ایچن بو گون سو یرینه قان لای لای اصغریم لای لای
ناز پروریم لای لای
..
..
..
..
..
زبس یاراندان آخوبدی قان ایلیوب سنی بیتاب
ایچوبسن اوز قانوی علی اولموسان بیله سیراب
باخاندا بو اوخ یاراسنا گوز یاشیم اولور خوناب
فراقوه یوخدی منده جان لای لای اصغریم لای لای
..
..
..
..
..
ندن علی آچموسان گوزون گوزلریوه من قربان
یورولموسان راحت اولموسان ایتموسن داخی افغان
چمنده بیر غنچه گول کیمی اولدون آچمامش خندان
بهاریمی ایلدون خزان لای لای اصغریم لای لای
..
..
..
..
..
گرک همیشه توکم اوغول اشک چشمی رخساره
دگیدی ای کاش قلبیمه حلقیوه دگن یاره
بو قدر ناز ایتمه آچ گوزون بوش قالوبدی گهواره
اگر یاتوبسان علی اویان لای لای اصغریم لای لای
..
..
..
..
..
بو اوچ گونی هر نه دل دیدیم ایلدون اوغول افغان
نقدر لای لای دیدیم سنه راحت اولمادون بیر آن
سو ایستدون ممکن اولمادی سو یرینه ایچدون قان
دیلیمده ورد اولدی هر زمان لای لای اصغریم لای لای
..
..
..
..
..
اولوبدى قونداقون اللرون قانیله گوزل الوان
یارالی آهو کیمی قزل قانه اولموسان غلطان
دل آچمادون قالدی حسرتیم من اولوم سنه قربان
ویرن بو صحراده تشنه جان لای لای اصغریم لای لای
..
..
..
..
..
سنون بو احوالیوه اوغول عرش کبریا آغلار
رقیّه گوز یاشینی توکر دلده وا اخا آغلار
یازار «کریمی» بو غصّه نی ایلر آه و وا آغلار
اولار ربابیله همزبان لای لای اصغریم لای لای
..
..
..
..
..
جفای عدوانیدن سولان لای لای اصغریم لای لای #اصغریه_کریمی_مراغه_ای
نظر دهید