حسین قرآنیدور قرآن حسیندور #حسینیه_مجرد_اردبیلی

حالات حضرت ابا عبدالله الحسین (ع)
..
..
..
..
اصغر مجرد اردبیلی
..
..
..
..
حسین قرآنیدور قرآن حسیندور
حسین میزانیدور میزان حسیندور
حسین برهانیدور برهان حسیندور
حسین ایمانیدور ایمان حسیندور
..
..
..
..
قلم عاجز دل عاجز دفتر عاجز
ایده تعریف اونی عالملر عاجز
مقاماتینه اهل محشر عاجز
قویان عالملری حیران حسیندور
..
..
..
..
مبارک آدینه نهضت یازیلدی
عیال اطفالینه أسرت یازیلدی
عزادارانینه جنت یازیلدی
حسیندور منبع احسان حسیندور
..
..
..
..
ایدن جدی وجودینه مباهات
اونون نوریلن اولدی خلق جنّات
حسینه مثل اولا خلقتده هیهات
قسیم جنت و نیران حسیندور
..
..
..
..
اونون عشقیلن عالمدور ملبّس
اولوبدور پنج تن اونلان مشخّص
اونی تحسین ایدوبدور ذات اقدس
وجودی مفخر یزدان حسیندور
..
..
..
..
اؤپوب حلقین پیمبر آغلامشدی
غمینده سینه زهرا داغلامشدی
او معبودیله پیمان باغلامشدی
ایدن پیمانه بذل جان حسیندور
..
..
..
..
اولان عشق خداده غرق یکسر
چخان بالمرّه یادیندن حرملر
ره جاناندا نه اکبر نه اصغر
ویرن معشوقه جان عطشان حسیندور
..
..
..
..
تاپوب عزت اؤپن اول خاک پائین
اونون آئینینه چاتماز هیچ آئین
ازل اوغلون ویرن بعداً غلامین
ره اللهیده قربان حسیندور
..
..
..
..
قالان ایوبلر صبرینده حیران
اولانمز بذل و ایثارینه میزان
ملکلر، جن لر، مبهوت انسان
اولان دین اوسته غسلی قان حسیندور
..
..
..
..
خجالتدور حسیندن گون و هم آی
همه دریالر و دریاچه لر، چای
دییر دی فاطمه عطشان بالام وای
عطشدن لبلری سوزان حسیندور
..
..
..
..
گلوب زینب اودم که قتلگاهه
گوروب اوضانی یاندی سوز آهه
چخا آز قالدى جانی بیر نگاهه
دیدی بو پیکری شان شان حسیندور
..
..
..
..
اولیدی گوزلریمی کور قارداش
سنی بو حالیده گورمیدیم ای کاش
هانی کوینک هانی اللر هانی باش
جُدا گول پیکری باشدان حسیندور
..
..
..
..
نجاتون کشتی سی غرق اولدی قانه
نیه چوؤرولمدی چرخ زمانه
اولان گل پیکری تیره نشانه
حریم عترتی ویلان حسیندور
..
..
..
..
حسینی صدقیلن هر کیم چاغیرسا
اونون آدیله ماتم بزمی قورسا
و یا دامان پاکه چنگ ویرسا
ایدن بیل دردینه درمان حسیندور
..
..
..
..
نوا قیلدی رسول الله حسینه
مرید اولدی خلیل الله حسینه
«مجرد» باغلیدور الله، حسینه
اونی آزاد ایدن اوتدان حسیندور
..
..
..
..
خیانت ایتدی دشمن اللرینه
توکوبلر جسمینه داش گل یرینه
دولانسا حشره تک مین لر قرینه
ئولینجن چخمیان یاددان حسیندور
..
..
..
#حسینیه #مجرد_اردبیلی #حسینیه_شهادت #حسینیه_مدح #ترکی #زبدةالاشعار