زبدةالاشعار

خرابه گوشه‌سی عمّه گتوردی جانه منی #حضرت_رقیه #ذوقی_تبریزی

زبانحال حضرت رقیّه سلام الله علیها
.
✍️ زبدة الاشعار ✍️
.
?: @nohe_torki
.
مرحوم ذوقی تبریزی
.
خرابه گوشه‌سی عمّه گتوردی جانه منی
گلون چکون سیزی تاری بیر اوزگه یانه منی
.
آچون قولومی قوری یرده جان‌ویروم راحت
گلنده شمر اونا ویرمیون نشانه منی
.
یوزیمه سیلی ووروب قورخورام دوباره وورا
خرابه‌ده گتوره آه و الأمانه منی
.
آلاندا معجریمی گورموشم شقاوتینی
آتون دوشونده قُوووب چوخ اُویان بویانه منی
.
گلنده شامه پیاده یولی گَلَنمَزدیم
وورا وورا گتوروب عمّه بو مکانه منی
.
او قَدر قَمچی ووروب ایمدیده باشیم آغرور
چوخ اینجیدوب او ووران دمده تازیانه منی
.
دیورسن عمّه بابان کعبیه ایدوبدی سفر
نه سوزدی بو گتورور دمبدم فغانه منی
.
آتا سفر ایلینده قیزین ایدلّه اسیر
که باغلیوبله بو حالیله ریسمانه منی
.
ز بس آجام سوسوزام عمّه جان یوخوم گلمز
غریبه خوار ایلیوب گردش زمانه منی
.
اؤزوم اسیر بویوندا دوشاخه قولدا طناب
بو اهل شام مسلمان بولولّه یا نه منی
.
نجه روادی مسلمانه بیر بیله ذلّت
روا گوروبدی قَضا بیله امتحانه منی
.
خصوص ایدلّه منه شامیان شماتتلر
بوله بوله بیر عزیزه شه جهانه منی
.
حسین گلشنینون نوگل بهاریدیم
سُموم ظلم یتوردی عجب خزانه منی
.
هزارۀ چمن حُسن اکبرم عمّه
اَجل قوییدی یئتیدیم او نوجوانه منی
.
دوشنده مشکله سن #ذوقیا چوخ آغلا منه
اَلونده درگه خلاّقه دوت بهانه منی
.
.
#حضرت_رقیه_شهادت
#خرابه_گوشه_سی_عمه_گتوردی_جانه_منی
#ذوقی_تبریزی
#ترکی
.
✍️ #زبدةالاشعار✍️
.
?: @nohe_torki

این متن را هم بخوانید:  گینه یارب آچیلوب قاره علم لر

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی