دور گیدیروخ نازلی بالا رقیه #کوچ_شام_رهبری_تبریزی

کوچ از خرابه شام
..
..
#سبک_امید_و_سقای_حرم_اباالفضل
..
..
مرحوم رهبری تبریزی
..
..
..
..
دور گیدیروخ نازلی بالا رقیه
قسمت اولوب کرب و بلا رقیه
..
..
..
..
ترک ایلیوب شامی گیدیر کاروان
یاتما مزار ایچره قیزیم دور اویان
قوخماگلن یوخدی وُورا ساربان
دوگمیه جاخ اهل جفا رقیه
..
..
..
..
دور گیداخ ای عمه سینه سویگلولی
گلشنومون نازلی گوزل بلبلی
خرداجا قلبینده قالان نسگلی
اشگیم آخا اولما رضا رقیه
..
..
..
..
یانّام اوزوم گل تک سولان عمریوه
عالمی حیران ایله دون صبریوه
یوز قویموشام خردا گوزل قبریوه
ویر سسیمه باری صدا رقیه
..
..
..
..
سن بولوسن واردی منیم غمیم چوخ
قلبیمه غم لر ووروری هر آن اوخ
قوخما قیزیم ایمدی داخی ووران یوخ
یوردی سنی درد و بلا رقیه
..
..
..
..
گون کیمی ویرانه ده سن باتموسان
گوز یاشیمی خون دله قاتموسان
چوخ گیجه لر شامیده آج یاتموسان
ایکاش شام ویران اولا رقیه
..
..
..
..
یاندی دلون درد و غم فراقه
یوخدی توانین دوراسان ایاقه
گئتسن اگر من آلارام قوجاقه
عَمَّن او گول عطرون آلا رقیه
..
..
..
..
اهل حرم قبرون آلوب آرایه
اوغلى ئولنلرده گلوب نوایه
عمّه لرون عازمدی کربلایه
جانین ایدن دینه فدا رقیه
..
..
..
..
مهر و وفادن دیمه من دویموشام
غملی بولود تک دوتولوب دولموشام
حسرتیله قبریوه یوز قویموشام
عمّن ایدیر آه و نوا رقیه
..
..
..
..
دردیوه بو یرده دوا اولمادی
گولده سنون تک سارالوب سولمادی
ظلم عدو ساغ قالاسان قویمادی
ظلمون سنه بولدی روا رقیه
..
..
..
..
اسیرلرون سن یوزینی آغاتدون
شامیده دین پرچمینی اوجاتدون
عمه وی هجرینده قیزیم قوجاتدون
قلبینی غم ایتدى یارا رقیه
..
..
..
..
«رهبری» آغلار گوزیله یاز سوزون
بو غمه قان آغلاسا آزدور گوزون
سویله گیلن قبرینه قویسان یوزون
ای آدی هر درده دوا رقیه
..
..
..
..
#کوچ_شام #رهبری_تبریزی #ترکی #زبدةالاشعار