سبب ندور که بو آی روزگار برهمدور #ورود_محرم_ذلیل_تبریزی

ماه محرّم
..
..
..
..
مرحوم ذلیل تبریزی
..
..
..
..
سبب ندور که بو آی روزگار برهمدور
دوتوبدی عالمی شیون مگر محرمدور
..
چکوبله مسجد و محراب و منبره قاره
باتوب قرایه جوانلار بیر اوزگه عالمدور
..
حقیقتاً که اولوب کائنات پژمرده
باتوبلا ماتمه بو بیر غریبه ماتمدور
..
بساط کرببلا یوخسا تازه دن قورولوب
ملائک و رُسُل و حور دیده پرنمدور
..
اولوب خمیده مگر قامت رسول الله
باخاندا جمله عزادار قامتی خمدور
..
حسین ئولوبدی اولوبدور مگر عیالی اسیر
نجه اسیر که گویا اسیر دِیلمدور
..
بو آیدا شیعه گرک قورماسون بساط طرب
دیار شامه قولی باغلی چون گیدوب زینب
..
بو آی سرین سو داخی ایچمسونله عاشقلر
بو آیدا چونکه سوسوز دوغرانوب علی اکبر
..
یارالی جسمی ایدوب کل عالمی مبهوت
نه غسل ایدوبله نه کافور نه کفن نه حنوط
..
دی اهل عشقه #ذلیلا ولیک آهسته
که آت چاپوبلا بو آیدا یارالی نعش اوسته
..
او باش که بسلدی زهرا همیشه گل اوسته
بو آیدا خولی قویوبدور تنوره کول اوسته
..
..
#ورود_محرم
#سبب_ندور_که_بو_آی_روزگار_برهمدور
#ذلیل_تبریزی
#ترکی
#زبدةالاشعار