سکینه گل بابا عمون گلمدی نیلوم #عباسیه_عینی_فرد

زبانحال جواب دادن امام به دخترش سکینه
در شهادت قمر بنی هاشم
..
..
عینی فرد زنجانی
..
..
سکینه گُل بابا عمون گلمدی نیلوم
قوناق ساخلادی زهرا عمون گلمدی نیلوم
..
..
سو قولی سنه ویردی اَمَل ایتدی سوزونده
اوزون لشگره ووردی جدل ایتدی سوزونده
دوشونجه یره سقا عمل ایتدی سوزونده
سیزه سو ویره سقّا عمون گلمدی نیلوم
..
..
آلوب جاننه عبّاس عمون چوخ خطراتی
قیریب لشگری توکدی یره آلدی فراتی
سودان ایچمدی هرگز گوزل دوشدی صفاتی
یانوب حالینه دریا عمون گلمدی نیلوم
..
..
کناره چخا حاشا عمون پاک هدفندن
سالوب چگننه مشکی وفا و شرفندن
آتوب اوخ اونا ساری قوشون هر طرفندن
تحمل ایدوب اما عمون گلمدی نیلوم
..
..
صنوبر کیمی تندن گوزل خوللاری دوشدی
که آز فاصله ئیلن اوزون قوللاری دوشدی
قوشون اوردا که قولسوز قالوب یوللاری دوشدی
جنایت ایدوب اعدا عمون گلمدی نیلوم
..
..
دگوب مشگینه بیر اوخ دونوب یأسه امیدی
دگوب آنّنا پیکان اولوب غصه مزیدی
بو ایکی اوخ اولوبلار شهادتده نویدی
ایدوم بیر غمه ایما عمون گلمدی نیلوم
..
..
او ساعت که آت اؤسته دایانمشدی او دلبر
عمود الده یتیشدى او دم دشمن کافر
اَوَل دل یاراسیلان عمون ایتدی مکدّر
دیدی قوللارون هاردا عمون گلمدی نیلوم
..
..
عمود اندی باشندان منی سسلدی دلدن
گیدوب گوردوم او شیری سالوبلار داخی دلدن
بلیم سندی سکینه اوزولدى الیم الدن
دیدوم دور گئداخ اما عمون گلمدی نیلوم
..
..
بابان قالدی کمکسیز بو صحراده سکینه
عمون گئتدى الیمدن بو غوغاده سکینه
هدف دیندی بلورسن بو دعواده سکینه
یولون گوزلمه بابا عمون گلمدی نیلوم
..
..
بو دردی بالا سن ویر خبر منده توان یوخ
حرملر اولا آگه به جز آه و فغان یوخ
سیزون قیدوزه بلّم بو صحراده قالان یوخ
بله زینبیم حتى عمون گلمدی نیلوم
..
..
گلوب خیمه لر اؤسته گوروب گلشن یاسین (۱)
آلوب دوره سین اوندا اونون عترت یاسین (۲)
دیدى ساخلیون عبّاس ئولوب خیمه ده یاسین (۳)
سکینه قزیم آغلا عمون گلمدی نیلوم
..
(۱) گل باس
(۲) سورة یس
(۳ عزاداری
..
#عباسیه #عینی_فرد #عباسیه_شهادت #ترکی #زبدةالاشعار