زبدةالاشعار

شوقیلن محضره ای خالقِ سبحان گلورم #کاظمیه #بیدق_داری

زبانحال حضرت امام کاظم (ع)
.
✍️ #زبدةالاشعار ✍️
.
🆔: @nohe_torki
.
حاج داود بیدق داری (داور )
.
شوقیلن محضره ای خالقِ سبحان گلورم
نای جان ناله ده دور نی کیمی نالان گلورم
.
وصلیوی ساده اله سالمامیشام ساده گَلَم
قامتیم اولدی کمان گوزلری گریان گلورم
.
بسکه حیرانم ئوزوم جلوه ی نور ازله
گویلرین اهلی قالوب عشقیمه حیران گلورم
.
آیریلیق دردی یامان درد اولی آگهسن ئوزون
تاپمادیم دهریده من دردیمه درمان گلورم
.
(یئر رطوبت اولا آهن چورور، انسان سارالار) (1)
سارالوب هم بوکولوب زار و نواخوان گلورم
.
نئچه زندانی گزوب طاقت ائدوب دینمه میشم
دوزموشم اون بیر ایلی ،دوزمورم الان گلورم
.
نه گلن وار نه گئدن قالدی پریشان بالالار
باغلی قالدی قاپومیز منده پریشان گلورم
.
باغ یثربده قالان گُللریمی حفظ ائله سن
سنون امّیدیوه قالدی او گلستان گلورم
.
قالدی معصومه بالام گوزلری یولدا نگران
سنه تاپشوردوم اونی ای حق سبحان گلورم
.
تازیانه یئری دور پیکریمون هر طرفی
هر دگنده دئمیشم عشقوه قربان گلورم
.
مدرک عشقیدی بو یاره لرین هر بیریسی
دلخوشام وصله چاتوب من سنه مهمان گلورم
.
بیلورم چوخدی سنون عاشقون ای خالقِ جان
یوخدور امّا منه تای قلبی پریشان گلورم
.
اون بیر ایل یاتمامیشام بستر راحتده خدا
اریدوب پیکریمی محنت زندان گلورم
.
کاش اولیدی ائشیدیدیم که دیور ایندی رضا
آتاجان دوتماقا من شام غریبان گلورم
.
(1) از مرحوم #منزوی_اردبیلی
.
#کاظمیه_شهادت
#شوقیلن_محضره_ای_خالق_سبحان_گلورم
#بیدق_داری
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  مرکب اوستن تا یخلدی حجت رحمان یره - #حسینیه #محمدرضاصادقی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی