راه شام
..
..
..
مرحوم زائر تبریزی
..
..
..
صبا یلی گینه بیر غم فزا اثر گتورور
بلالی باشیمه بیر تازه دردسر گتورور
..
وصال مجلسینه قویمادان قدم یا رب
صبا یلی منه هجراندن خبر گتورور
..
شکسته قلبیم هنوز اولمیوبدی بیر آرام
دوباره قلبیمه بو چرخ بیر کَدَر گتورور
..
زمانه قویمور اولام بیر زمان آسوده
الهی باشیمه بیر گور منیم نلر گتورور
..
نقدر قدرتیم اولسا بلایه صبر ایدرم
رضای حق اولا گر صبر یاخشی بر گتورور
..
وصاله طالب اولان اینجیمز بلالردن
بلا گلنده گویول مرغی بال و پر گتورور
..
اولور اگر چه بلا نخلى تلخ ظاهرده
ولیک صابره شیرین تر ثمر گتورور
..
سکینه گور نجه شامون یولوندا شام و سحر
بلا خدنگینه ئوز جائینی سپر گتورور
..
خیال وصل علی اکبریله یول گیدوری
محبت اولسا بلى قلبده چَکَر گتورور
..
باخاردی نیزه باشندا او باشه حسرتیله
خیاله هر نه گلور بیر ایله نظر گتورور
..
دییَردی ای علی دیندیر باشی بلالی باجون
منی سنون ره عشقوندی دیده تر گتورور
باشون دالینجا سنون دوشموشم بو چوللره من
بو عشق باشمیه بیر گور نه قصّه لر گتورور
..
دگر صبا یلی هر دم او زلف و کاکلوه
مشامه طرّه لرون بوی مشگ تر گتورور
..
جداده گون کیمی باشون دیار شامه گیدر
دالونجا گور منی نه نوع دربدر گتورور
..
ووراللا گاه منی ناقه دن سالوللا یره
بو قدر ظلمه نجه تاب بیر نفر گتورور
..
ئوزون خیال ایله بیر حالیمه على أکبر
قالار سکینه بیاباندا کیم گیدر گتورور
..
..
#راه_شام #زائر_تبریزی #ترکی #زبدةالاشعار
نظر دهید