بمناسبت شهادت سردار بزرگ اسلام سپهبد حاج قاسم سلیمانی
.
.
محمدرضا رضوی زنجانی
.
.
طایرطبعیم آلوب در سخن منقاره
پر آچوب باغ ولایتده اولان گلزاره
استیور عرض ارادت ایده بیر دلداره
گوهر کنز ولایت او در شهواره
گرچه یاقوته دونوب دگدی اونا چوخ یاره
جسمی تپراقه دوشوب اولدی بدن صد پاره
اولا همواره سلام قانه باتان سرداره
.
.
.
او سلیمانی که دللر آدینون ازبریدی
او علی دلبریدی کنز وفا گوهریدی
تاج عزتدی بیزه باشدا شرف افسریدی
حافظان حرمین قانه باتان سروریدی
ایدیرم عرض ارادت اونا سوز آذریدی
قلم آچدی دلینی گلدی بیله گفتاره
اولا همواره سلام قانه باتان سرداره
.
.
.
شیردل رهبری من پیر جماران گورورم
نام زیباسی علی مهر درخشان گورورم
حافظ قلعه ی دین جسمیلره جان گورورم
ایله سرداریده بیر اسوه ی ایمان گورورم
اشجع الناس علی میر شهیدان گورورم
ویرارام بوسه مزار او گله همواره
اولا همواره سلام قانه باتان سرداره
.
.
.
او وئروب قله ی حق اوسته ظفر پرچمینی
خطر داعیشیدن کم ایدوب ایران غمینی
گرم ایدوب رهبریمین گرم و مسیحا دمینی
گوردی حیفا و ریاض رهبریمین ضیغمینی
چیکدیلر نقشه کمین ایتدیله دل محرمینی
گوردیلر لرزه سالوبدی دل استکباره
اولا همواره سلام قانه باتان سرداره
.
.
.
عشق مولائیله وئردی بیله عالمده قدم
قله ی وحدت و ایثاریده نصب ایتدی علم
نقشه ی کفره چیکوب عالمی هستیده عدم
داعشین کسماقا نسلین آقام ایتمیشدی کرم
کمک اولموشدی اونا صاحب شمشیر دو دم
فخر ایدر کشور ایران ایله پرچمداره
اولا همواره سلام قانه باتان سرداره
.
.
.
قویمادی دوشسون حرملر داخی کفار الینه
دوشه کفار الینه داعش خونخوار الینه
گل دوشه خار الینه جمع جگرخوار الینه
عاقبت دوشدی ئوزی قوم ستمکار الینه
مرحبا وئردی الین قولسوز علمدار الینه
دست اشراریله دگدی یاراگل رخساره
اولا همواره سلام قانه باتان سرداره
.
.
.
گل کیمی پرپر اولوب تپراقا پرپر دوشدی
اولدوز اولدوز بئلونوب اول مه انور دوشدی
اربا اربا بدنی اکبره بنزر دوشدی
قولاری بیر طرفه بیرطرفه سر دوشدی
مثل عباس آقامیز پیکره لنگر دوشدی
داغی چون تیر محن دگدی دل احراره
اولا همواره سلام قانه باتان سرداره
.
.
.
یره قولسوز یخلوب اوندا که عباس امین
بورودی سایه ی غم یکسر حسینون حرمین
شهریارین اورگین ایلدی غم غصه کمین
بیلدی تپراقه دوشوب یاره لی صاحب علمین
چهره سینده آقانون گوردولر آثار غمین
ضربه دگدی(رضوی) قلب شه ابراره
اولا همواره سلام قانه باتان سرداره
.
.
.
#انتقام_سخت #قاسم_سلیمانی #ترکی #رضوی_زنجانی #زبدةالاشعار
نظر دهید