زبانحال سیدالشهدا (ع) خطاب به خواهر در شهادت حضرت علی اصغر (ع)
..
..
..
..
مرحوم تائب تبریزی
..
..
..
..
ظلمیله اوخلادیلار اصغر عطشانی باجی
گل الیمدن آل آپار بوقوزی قربانی باجی
..
..
..
..
بیر الیمده قوزی قربان بیر الیمده قرآن
حقّیم اثباتینه بوچولده آپاردیم برهان
حقّیمی قاری قرآنلار ایدوبلر کتمان
اوخلیوب اصغریمی داندیلا قرآنی باجی
..
..
..
..
باشلادیم خطبه تانیندیرماقا خلقه أؤزومی
قویدی آغزیمدا قوناق دعوت ایدنلر سوزومی
بالامین قانی سپیلدی بویادی یوز گوزومی
قوش کیمی چالدى قاناد چخدی بالام جانی باجی
..
..
..
..
سولدوروب سوز عطش گوردوله غنچه گلومی
طاقتین الدن آلوب لال ایلیوب بلبلومی
گنه رحم ایتمه دیلر اوخلادیلار سوگولومی
باغریقان ایتدیله بو غمزده نالانی باجی
..
..
..
..
حلقین اعدا هدف ناوک پیکان ایلدی
پربها گوهریمی قانینه غلطان ایلدی
بالامین قانی بیابانی گلستان ایلدی
گزَرم من گوزی یاشلو بو گلستانی باجی
..
..
..
..
اوخلانوب غنچه گلوم عمر بهاریم سولدی
گوردی آفات خزان پرپر و خندان اولدی
اولدی خندان اؤزی عطریله بو صحرا دولدی
عطری یکسر بوریوب دامن صحرانی باجی
..
..
..
..
بالامی فرقۀ خونخوار عجب یوخلادیلار
یانمیوب حالینه اؤز کینه لرین چوخلادیلار
ایستدیم سو سولی پیکانی آتوب اوخلادیلار
ویردی سو اصغریمه حرمله پیکانی باجی
..
..
..
..
ویردی اوخ دایه سی پستان جفادن بونا شیر
شیر مست ایلوب اولوب سیر دوشوب بو بچه شیر
داخی بولمز ندی مادر ندی پستان ندی شیر
آتدی بو چشمی خماریم او تمنّانی باجی
..
..
..
..
اللریم أوسته سحر اولدوزی تک آخدى بالام
آخدی اولدوز کیمی حسرتله منه باخدی بالام
او باخیشدا ایله یاندیردی منی یاخدى بالام
آلدیم اودلو دله من آتش سوزانی باجی
..
..
..
..
گلستانلاردا نه بیله سارالوب غنچه سولار
نه بالام تک بوغازی اوخلانی نه پرپر اولار
نه ایچر قان نه بیله قانیله قونداقی دولار
سپیلر گلشنه نه عطر فشان قانی باجی
..
..
..
..
ماه سیما بالامون گور نه گوزل هاله سی وار
یوزده غنچه گلومون گور نجه قان ژاله سی وار
عشقیمین گلشنینون گور نه گوزل لاله سی وار
محو زیبالیق ایدر اهل تماشانی باجی
..
..
..
..
الیم اوسته بوسولان غنچه گل پیرهنیم
گیدرم صاق صولا حیرت زده دلده محنیم
نه آلان گوگلومی نه وار سسیمه سس وئرنیم
یاد ایدن وار نه بو سرگشته و حیرانی باجی
..
..
..
..
یاره تقدیم ایلدیم بوردا گوزل گللریمی
تازه بیر غنچه حساب ایتدیم علی اصغریمی
اؤزی اصغر ولی ارزشده اولان اکبریمی
غنچه ویردیم بَزَه دیم محفل جانانی باجی
..
..
..
..
گرمیدی بسکه بوگون عشق و وفا بازاری
منده بازاره آپاردیم بو در شهواری
قیمیتین یازدی شفاعت اؤزی آلدی باری
ساندیم اللهیمه بو گوهر غلطانی باجی
..
..
..
..
بالامون قانینی تا توکدی جفا پیکانی
دوتدوم الده گویه آتدیم او مقدس قانی
اوزونه رنگ شفق آلدى فلک دامانی
قانی قیتَرمه دی وار نکتۀ پنهانی باجی
..
..
..
..
یره بیر قطره قیتسیدی همان قاندان اگر
ایلیردی یری طوفان بلا زیر و زبر
او بلادن قوتولانمازدی داخی نوع بشر
محو ایدردی ایله طوفان هامو دنیانی باجی
..
..
..
..
بیرده قانین بالاما زینت رخسار ایلدیم
تازه دن عارض گلفامینی گلنار ایلدیم
لایق مجلس مهمانی دلدار ایلدیم
گورمیوب چشم جهان بیر بیله مهمانی باجی
..
..
..
..
هانى یولداش دولانوب چولده تاپام یولداشیمی
هانی قارداش دل آچوب سسلیم اؤز قارداشیمی
هانی دلدار یوزومدن سیله بو گوز یاشیمی
ایسلادور گوز یاشیم آخدیقجا بو دامانی باجی
..
..
..
..
رزمگهده دولانوب بار مصیبت چکورم
آغلورام خصم گولور طعن و شماتت چکورم
یوخ یوزوم خیمیه گلماقه خجالت چکورم
باخور اصغر آناسی گوزده جگر قانی باجی
..
..
..
..
سن کیمی کیمدی منیم قیدیمه بو چولده قالان
ائلسیزم وار نه یِتَن داده نه بیر یاده سالان
هانی سن تک اورگیم دردینی مهریله آلان
آل حسینوندن اؤزون درد فراوانی باجی
..
..
..
..
ای شریک غمیم ای درد و بلا مشتاقی
آه و نالم بوریوب گورنجه بو آفاقی
بو الیمدن یوخ آلان قانه باتان قونداقی
بالام الده گزَرَم ساحت میدانی باجی
..
..
..
..
آناسی خیمه قباقینده دورروب آه چکر
گوزلوری یول گوره واردی بالاسیندان نه خبر
بولموری اوخلانوب اصغر بوغازی اوخلی گلر
بیر دلیله اونا آندور بو قضایانی باجی
..
..
..
..
ویر خبر ماتمه آماده اولا اهل حرم
جمع اولوب اوغلى ئولنلر قورالار محفل غم
اوخشاسون اصغر آناسیله اولاردا باهم
قویماسون یالقیز اوغولسوزلار او ثکلانی باجی
..
..
..
..
قیدینه خوشدی ربابین حرم اهلی قالالار
اورگی یاره لیدور مهریله مرهم سالالار
اوخشیوب اصغرینه غصه لی گوگلون آلالار
گوگول آلماقین اولار اجرت شایانی باجی
..
..
..
..
غصه دن رنگی ربابین دولانوب زرد اولاجاق
زندگیدن داخى بالمرّه او دلسرد اولاجاق
بالا دردی اونا عالمده یامان درد اولاجاق
دردینون اولمیاجاقدور داخی درمانی باجی
..
..
..
..
قید مظلومه ربابه قالان اولماز سن تک
یارالی قلبینه مرهم سالان اولماز سن تک
گوگلونی دردی داشاندا آلان اولماز سن تک
ای اولان عاطفه نین صاحب بنیانی باجی
..
..
..
..
اصغریم معرکۀ عشقده غوغا ایلدی
معنی عشقی او غوغائیله افشا ایلدی
کربلا دفترینی قانیله امضا ایلدی
قورام أُول دفتریله حشرده دیوانی باجی
..
..
..
..
سن وفا لفظینه هم صورت و هم معناسن
سربسر عاطفه رأفتده اولان دریاسن
هم باجیمسان هم آنام نائبۀ زهراسن
آل ربابین اورگین شاد ایله زهرانی باجی
..
..
..
..
سنه تائب أؤز آقان یاخشى باخوب دنیاده
نگران اولما گنه صاحب اولار عقباده
قیل تشکّر یاز امامین دلیجه گل داده
ظلمیله اوخلادیلار اصغر عطشانی باجی
گل الیمدن آل آپار بوقوزی قربانی باجی
..
..
..
..
#اصغریه #تائب_تبریزی #اصغریه_شهادت #ترکی #زبدةالاشعار
نظر دهید