غم حوزه سینده مطرح اولوندی کلام شام #ورود_شام_ذهنی_تبریزی

حالات ورود اهلبیت اطهار(ع) به شهر شام
..
..
..
..
مرحوم ذهنی تبریزی
..
..
..
..
غم حوزه سینده مطرح أولوندی کلام شام
شرح اولدی فصل فصل فصول مهام شام
..
لفظ عربده کلمۀ مشتقدی شومدن
لفظ عجمده عالم تار و ظلام شام
..
غم شدّته یتوشسه دییلّر گون اولدی شام
بخصوص اسیر ایچون اولا غربتده شام شام
..
راوی سوروشدی هانسی مصیبت اشدّیدی
فرمایش ایتدی سیّد سجّاد شام شام
..
شوم اولدی آل حیدره اؤز شوم لفظی تک
امّا یزید کافره دارالمرام شام
..
شامه چکنده آل پیمبر قطارینی
دوتموشدی کاروان یولونی ازدحام شام
..
ایلردیلر ندا یول آچون خارجی گلور
نصرت تاپوب خوارجه قائم مقام شام
..
بام اوسته غرفه لرده دوزولموشدی صف بصف
سَیر اسیر ایتماقا اهل تمام شام
..
پیغمبرین اؤز اوغلونا آد قویدی خارجی
بولدی اؤز اهلین امّت خیرالانام شام
..
دین ئولدوروب دییردیله بیز اهل مذهبوق
دین عالمینده ایتدی عجب فکر خام شام
..
تبریک ایدردی بیربیرینه اهل شهر او گون
أولموشدی دین عزاسی بیر عید عظام شام
..
کوچه بکوچه آل رسولی دولاندیروب
تا ملّت یهود آلالار انتقام شام
..
گه اود توکردی عترت اطهار باشینه
گه سنگسار ایدردیله قوم لئام شام
..
گه سس چکوب گولردیله گه کف ووراردیلار
گه دف چالاردی فرقۀ بی ننگ و نام شام
..
قرآن ناطقین باشینی گوردی نیزه ده
غفلتدن اویمادی ملاء ذوالمنام شام
..
بیر حاله سالدی اشرف مخلوق عترتین
انظاره جلوه ویردی کنیز و غلام شام
..
بیر ظلم قالموب آل رسوله یتیشمه میش
ایتدی تمام جور و جفاسین تمام شام
..
آخر بنات علّت ایجاد عالمه
ویردی خرابه گنجینی مسکن مقام شام
..
مهمان نوازلر یغشوردی خرابیه
طعن و شماتت اولموشودی احترام شام
..
هر بیر ستم کشیده قیز آغلاردی دردینه
شهقه چکوب گولردی اَلَدُّالخِصام شام
..
بیر چوخ مدید مدّت او بیداد مرکزی
اؤز ظلم ب یدریغینه ویردی دوام شام
..
ذهنی بس ایت که شام کیمی ذهنون اولدی تار
یتمز تمامه نظمیله بیداد تام شام
..
#ورود_شام #ذهنی_تبریزی #ترکی #زبدةالاشعار