غم یورقونیام قورخولی صحراده الهی #راه_شام_فصیحی

از ناقه افتادن حضرت رقیه سلام الله علیها
در راه شام
..
..
..
..
..
فصیحی زاد
..
..
..
..
..
غم یورقونیام قورخولی صحراده الهی
تنهایم اوزوم یوخدی گلن داده الهی
..
هیچ من کیمی بیر بختی گونی قاره تاپولماز
ائلدن وطنیندن دوشن آواره تاپولماز
..
..
..
..
..
اوچ یاشدا قیزام عاجز و بیچاره ام الله
زجرون ستمیندن دلی صد پاره ام الله
پژمرده و افسرده و آواره ام الله
ای ذلتی تبدیل ایلین عزته یارب
سالما من بیچاره نیده محنته یارب
..
..
..
..
..
یارب دل شب بو دل سوزانیمه رحم ایت
گوزیاشمیله دیدۂ گریانیمه رحم ایت
وحشتدن اَسَن قامت لرزانیمه رحم ایت
فوج اسرا کوچ ایلیوب دشت بلادن
یاددان چیخادوبلار منی نظم اسرادن
..
..
..
..
..
دلدن بیلوسن بیر سنه دل بسته ام الله
یول زحمتی قمچی آجیسی خسته ام الله
قلبیمه دوشوب واهمه جان اوسته ام الله
مونس منه اولموش بیلوسن ناله و آهیم
سندن صورا کیم وار بو بیاباندا پناهیم
..
..
..
..
..
ای خالق عالم ایدورم دردیمی اظهار
عاجزلره بیکس لره رحم و کرمون وار
ئولد ور منی یا رحم ایله غمدن منی قورتار
ای کاش ئولوب ظلمون الیندن قوتاریدیم
نیلی یوزومی جدّه مه سوقات آپاریدیم
..
..
..
..
..
اول غملی بالا بسکه ایدوب حقّه شکایت
درگاه اِلهیدن اونا اولدی حمایت
گوردی باشینون اوسته دوروب بیر خانم عورت
فرمایش ایدور آغلاما ای بلبل شیدا
امدادیوه ایندی گله جک زینب کبری
..
..
..
..
..
آغوشیمه گل ایلمه افغان بالا قورخما
ای حالی پریشان جگری قان بالا قورخما
زهرا آنووام دیده سی گریان بالا قورخما
سن غمزده من غمزده پهلوسی شکسته
لایلای دییرم یات یارالی سینمون اوسته
..
..
..
..
..
آلدی اونی آغوشه دیدی آغلاما دینجل
گوزیاشوی گول صورتیوه باغلاما دینجل
احوالیوه داغلی دیلیمی داغلاما دینجل
باخما باشیمون قاره سینه یات بالا لایلای
باش قوی سینمون یارہ سینه یات بالا لایلای
..
..
..
..
..
امّت ستمین گورمیشم اوّل بالا لایلای
ویرسه نقدر محنت و غم اَل بالا لایلای
گیت شامیده ویرانه ده دینجل بالا لایلای
گلشنده قالار رسمیدی گول خار آراسیندا
منده بالا قالدیم در و دیوار آراسیندا
..
..
..
..
..
اوخشار گجه گوندوز بیزی دنیاده «فصیحی»
اشگ تریله نوحه یازار ساده «فصیحی»
بیر بیتینه بیر بیت آلار عقباده «فصیحی»
اولماز غمی محشرده عزا ساخلیانیمدی
صدقیله دیوب نوحه اوزی آغلیانیمدی
..
..
..
..
..