قاسم ای قارداشیم یادگاری #قاسمیه_تقایی_اردبیلی

زبانحال امام حسین (ع) بر بالین حضرت قاسم(ع)
..
..
..
#سبک_ای_قلم… #سبک_جامه_عشقیوی… #سبک_کاروان_رفته… 5 سبک
..
..
..
مرحوم تقایی اردبیلی
..
..
..
..
قاسم ای قارداشیم یادگاری
وی حسینون گوزل غمگساری
گلمیشم آچ گوزون داده قاسم
یاتما بو غملی صحراده قاسم
نوجوانیم بالا باغری قانیم (2)
..
..
..
..
گلدی ادرک سسون خیمه گاهه
اوج ائدیب ناله لر مهر و ماهه
خورداجا قیزلارین سوز آهی
دولدوروب عرصة خیمه گاهی
نوجوانیم بالا باغری قانیم (2)
..
..
..
..
باغریمی ایله دی فرقتون قان
باشیوین اوسته گلدیم شتابان
حیف اولا ای جوان دلاور
جسمیوی دوغریوب قوم کافر
نوجوانیم بالا باغری قانیم (2)
..
..
..
..
ای منیم خیمه مین چلچیراغی
جسمیوی محو ایدوب آت آیاغی
سینوی چاک ائدیب نیزه خنجر
دوغرانوب پیکرون مثل اکبر
نوجوانیم بالا باغری قانیم (2)
..
..
..
..
آز منی نار هجره آلیشدیر
حقّه خاطر منی بیر دانیشدیر
محنتون ائیله یوب دل شکسته
آز قالور جان ویر م باشون اوسته
نوجوانیم بالا باغری قانیم (2)
..
..
..
..
قامتون گلمور الآن قیامه
نعشیوی حمل ایدم تک خیامه
دوره ده دشمن ایلور شماتت
یوخدي منده داخی تاب و طاقت
نوجوانیم بالا باغری قانیم (2)
..
..
..
..
اوج ايدیر ناله نای دلیمدن
یالقوزام دور بالا دوت الیمدن
خیمه گاهه گید ک باری با هم
عمّه وی رام اید ک باری با هم
نوجوانیم بالا باغری قانیم (2)
..
..
..
..
دوشموسن گلشنه لاله مثلی
قان یوزونده دوروب ژاله مثلی
آچ گوزون باخ منه باغری قانم
گوللری تز سولان باغبانم
نوجوانیم بالا باغری قانیم (2)
..
..
..
..
قان آخیر پیکروندن منایه
فئدیه سن دین حقّ خدایه
جان بالا سن منیم یاو ریم سن
فرقی یوخ سن منیم اکبریم سن
نوجوانیم بالا باغری قانیم (2)
..
..
..
..