به مناسبت ولادت حضرت امام رضا علیه السلام
..
..
..
#سبک_شب_میلاد
مشابه
..
..
غفاری زنجانی
..
..
..
..
..
مدینه نور باران دور گنه الطاف داوردن
اولوب موسی ایوی روشن بیله ماه منوردن
ملک منظر گلوب
گوله بنذر گلوب
..
..
..
..
..
نه شهر یثربی بلکه ایدوب دنیانی نورانی
ویروب نور و صفا قلبه او نور پاک رحمانی
نه نوعی ذرّه وصف ایلر داخی مهر فروزانی
بلی ذرّه مثالم من او دور خورشید یزدانی
چتین مطلب اله گلسون بو وصف نابرابردن
..
..
..
..
..
خدای حیّ و دانادن ایدم لازمدی استمداد
اگر نالایقم اما ایدللر ئوزلری امداد
ولادت نامه ی مولا رضانی ایلیم انشاد
قلم یازسون بو مطلبدن احبّا قلبی اولسون شاد
آلاخ بیز عیدیانه تا بو گون موسی بن جعفردن
..
..
..
..
..
دیاخ مولا گوزون روشن سنون بو مهلقا اوغلون
گوزون آچدی بو دنیایه قمر طلعت رضا اوغلون
مزیّن ایتدی دنیانی بو حقه آشنا اوغلون
چمن آرا صنوبر قد جمیل و دلربا اوغلون
ایدوبدی غملری زایل او سرور جمله دللردن
..
..
..
..
..
نچه القابیله مشهور اولوب دنیا ده اول ذی جاه
بیری نور هدایتدور هدیت برجنه چون ماه
صدیق و هم زکیّ و قرة العین و عباد الله
منادادور رضائیله اولار اوندان رضا الله
زمین و آسمان اهلی اولار راضی اوسروردن
..
..
..
..
..
ایدن دنیانی نورانی همان نور هدایتدور
که اول نور ولایتدن جهان رضوان و جنتدور
یراهلی شاد و خرّمدور ملک غرق مسرّتدور
که حق لطفون ایدوب شامل هامی مشمول رحمتدور
تاپار راه هدایت اهل عالم بیله رهبردن
..
..
..
..
..
بیله مولایه دنیاده تماماً شیعلر قربان
هامی دنیا و ما فیها ملک قربان،بشر قربان
قدوم پاکنه عاشقلری جانین دیر قربان
جمال حق نمایه گلشن و گل سر به سر قربان
گلور روحی فدا صوتی ولی حقه هر یردن
..
..
..
..
..
او سرو قدّ ینه بستانیده سرو و سمن قربان
گله طعنه وران رخسارینه باغ و چمن قربان
صدای دلربایه بلبل شیرین سخن قربان
او لحن دلگشایه طوطی شکرّ شکن قربان
یاغار گوهر دانشدوقجا او سرخ فام لبلردن
..
..
..
..
..
اولون مسرور ای یاران دیون تبریک زهرایه
فدا بو شیعه لر جانی او مولای دل آرایه
سنه تبریک اولا بیزدن اولان ای فخر حورایه
سنون بو با صفا اوغلون اولوب دنیایه پیرایه
آلوبدی نورینی مهر و مه و انجم او دلبردن
..
..
..
..
..
ولایت آسماننده رضادور هشتمین اختر
بو خاک پاک ایراندان بلا گرداندی اول سرور
وجود پاکنه کل خلایق افتخار ایلر
غلامینون غلامینه اولار «غفاریلر» نوکر
آلار پاداش ایکی عالم همان دلبند حیدردن
..
..
..
..
..
مباهات اهل ایران دمبدم لیل و نهار ایلر
گیدر پابوسینه هر کیمسه کسب اعتبار ایلر
شرفیاب اولمیان اشخاص اوزاقدان اعتذار ایلر
سالار محنتلرین یاده یوزه اشکین نثار ایلر
ایدله عجزیله خواهش اولار سبط پیمبردن
..
..
..
..
..
سنی زهرا آنان حقی عنایت ایله یا مولا
قیامتده بیزه لطف ایت شفاعت ایله یا مولا
الیندن دوت سن احبابون کرامت ایله یا مولا
چاقورساخ داده هر یرده اجابت ایله یا مولا
سن ایسته فتح و نصرت شیعیه الله اکبردن
..
..
..
..
..
سلار بو شیعه لر یا ده سنون مظلوم اولان وقتین
شرار سمّ مأمونیله گل مثلی سولان وقتین
وطندن آیریلاندا غربته عازم اولان وقتین
فشار درد غربتدن بولوط مثلی دولان وقتین
اولوب اجحاف حقنده دوشوبسن آیری ائللردن
نظر دهید