حالات حضرت مسلم علیه السلام
.
✍️ زبدة الاشعار ✍️
?: @nohe_torki
.
احمدزاده(غریب)
.
مسلمی ئوز قانینه ظلمیله غلطان ائتدیلر
دولت عشقین سفیرین تیر باران ائتدیلر
.
.
کسدیلر فریادیلن قلبینده کی آرامشین
گئیدی قاره آغلادی بو ظلمیده عرش برین
اهل ذلت ازدحامیله تمام ائتدی ایشین
دعوت حق ایلینلر ظلمی طغیان ائتدیلر
.
.
اللرینده داش چیخوب دعواسینه قوم لئام
پیک اسلامه قالوب باغلی اوگون راه قیام
کوفه ده ویران اولوب باد ستم ایچره نظام
دعوت قرآن ائدنلر ترک قرآن ائتدیلر
.
.
وارث پیغمبر اوسته چکدیلر خنجر اوگون
قالدی بی یار و وحید میدانیده رهبر اوگون
الده عمامه عزایه گلدی پیغمبر اوگون
گلشن ظلمیله امت گوردی ویران ائتدیلر
.
.
گلشن زهرایه چون سیل بلا دولدوردیلار
قلبینون بندی حسینون تک سفیرین قویدولار
دوتدولار بیر یول مسلمانیله چون اهل شرار
باغ جنتده دل زهرانی سوزان ائتدیلر
.
.
داش آتانلار قلبینون یکسر آلوبدی قدرتین
وئرمدی الدن حسینون افسری حیثیّتین
لاله تک قان مسلمون خندان ائدوبدور صورتین
گوزلرین یولدا قویوب حسرتله گریان ائتدیلر
.
.
وحشی ملت تشنهٔ خون دین حقدن چخدیلار
قلبینی نار فشاریله جفادن سخدیلار
پارچالاندی گول دوداقی مرکب اوستن یخدیلار
قانیله سولموش جمالین رنگ خندان ائتدیلر
.
.
دوندروب ئوز درگه حقّه ائدوب راز و نیاز
سسلدی امداده گل ای سرور ملک حجاز
قانه باتمیش گوزلری باغلا اؤزون اولسا مجاز
جانیمی دستوروین عشقینده قربان ائتدیلر
.
.
باشیمی جلّاده وئرّم دست بیعت وئرمرم
بیر کسیم یوخ خدمته عرض پیامم گوندرم
ظلم الینده گلشنیم دوندی خزانه پرپرم
گلشن آمالیمی ظلمیله تالان ائتدیلر
.
.
خدمتیم نقص اولمادی باجان دل ائتدیم قیام
گل عم اوغلی سلب اولوبدور طاقتیم قول باغلیام
بیر ایچیم سو لبلریمدن قان آخوب اولدی حرام
جانیمی قرآنه خاطر تشنه قربان ائتدیلر
.
.
گلمه بو شهره اماندی بی وفادور امتی
دولتی بی رحمیدور یوخ نظمی یوخ امنیتی
جاه دنیایه قبول ائتدی بو ملت ذلتی
داندیلار دین مبینی هتک قرآن ایتدیلر
.
.
آخرین لحظه گوزوم حسرت قالوب رخساروه
وئرمرم دنیانی والله یا حسین بیر تاروه
دادیمهذیتسون سورونّم مین قدم دیداروه
قلبیمی حیف اولسون اما عشقوه قان ائتدیلر
.
.
#سبک_زینبم_جان_اوستیم ( 4سبک)
.
#مسلمیه
#مسلمی_ئوز_قانینه_ظلمیله_غلطان_ائتدیلر
#احمدزاده_غریب
#ترکی
.
✍️ #زبدةالاشعار ✍️
?: @nohe_torki
نظر دهید