منزل ویرانی زینب ترک ایدور گریان رقیه #حضرت_رقیه_آذرین_خلخال

کوچ از خرابه شام
زبانحال حضرت زینب (س)
..
..
..
..
#سبک_ای_ویرن_ویرانه_یرده (بیش از 3 سبک … عمه بو ویران سراده … استخاره کردم امشب …. گلپونه ها …)
..
..
..
..
ودود آذرین خلخال
..
..
..
..
منزل ویرانی زینب ترک ایدور گریان رقیه
دور یولا سال کاروانی گوزلره قربان رقیه
لایلای ای آرام جانیم
لایلای ای شیرین زبانیم
..
..
..
..
قورتاریب اولاد حیدر جور و ظلم شامیاندان
عاقبت بند اسارت آیری دوشدی قولاریندان
بیر به بیر تودیع ایدوللر عمّه لر قارداش قیزیندان
یاتما دور قلب کبابی غصه دن شان شان رقیه
لایلای ای آرام جانیم
لایلای ای شیرین زبانیم
..
..
..
..
ای ویرن ویرانسراده عمرینی اتمامه لایلای
ای دچار اولموش جهاندا غصه و آلامه لایلای
چاتمیان عمرینده بیرگون آرزو و کامه لایلای
راحت اولدون غصه لردن غملی ویردون جان رقیه
لایلای ای آرام جانیم
لایلای ای شیرین زبانیم
..
..
..
..
غصه لی عممون رقیه عازم کوی وطندی
اولدی شرمنده حسیندن کوی جانانه گیدندی
آق کفن یوخدی سنه بو قاره پیراهن کفندی
غملرون دنیایه سالدی سهملی طوفان رقیه
لایلای ای آرام جانیم
لایلای ای شیرین زبانیم
..
..
..
..
لایلای ای آز عمره دائم غم چکن هجر و المدن
لایلای ای اوچ سنّه راضی اولمگه غملر الیندن
لایلای ای زهرا ننم تک صورتین سیلی گوردن
لایلای ای دیل یاره سیندن قلب زاری قان رقیه
لایلای ای آرام جانیم
لایلای ای شیرین زبانیم
..
..
..
..
ای اسن برگ خزان تک شمر و زجرین وحشتیندن
ای اولان یول یول وجودی تازیانه ضربتیندن
ای ییخان کاخ یزیدی مرتضایی همتیندن
یات اولا عمّون او یورقون جانوه قربان رقیه
لایلای ای آرام جانیم
لایلای ای شیرین زبانیم
..
..
..
..
«آذرین» دائم گوزتله حجّت حقّین ظهورین
زایل ایله حقه خاطر قلبوون کبر و غرورین
ایله سون امضا رقیه جنتین برگ عبورین
چون ویرر خیردا الیلن یر گویه فرمان رقیه
لایلای ای آرام جانیم
لایلای ای شیرین زبانیم
..
..
..
..
#حضرت_رقیه #آذرین_خلخال #حضرت_رقیه_شهادت #ترکی #زبدةالاشعار