زبدةالاشعار

منِ بینوایه آخر سؤله مهربانیم عمّه #حضرت_رقیه #راجی_تبریزی

زبانحال حضرت رقیه سلام الله علیها
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان … 5 سبک … #سبک_سنه_سو_دین_دوداقلار #سبک_یارالار_سینونده_قارداش #سبک_یانور_اصغریم_سوسوزدان (جوشی زنجیر)
مشابه

.
مرحوم میرزا ابوالحسن راجی تبریزی
.
منِ بینوایه آخر
سؤله مهربانیم عمّه
هاچانا کیمی خرابه
اولاجاق مکانیم عمه
.
.
بو خرابه ایچره اشگیم
توکولور بو روی زرده
بلی رسمدور زر و سیم
اُولی چون خرابه یرده
نه گوروبدی درد بُلمم
من زار دربدرده
چخار عرشه درد الیندن
گیجه لر فغانیم عمه
.
.
گولی شوره گوسترنده
دل بیقراره زلفون
باتارام هلاله هر دم
ائدرم نظاره زلفون
بابام ئولمیوب ندن بس
آغاروب او قاره زلفون
بوکولوب او سرو قدّون
بئله ناتوانیم عمه
.
.
یوخودا من ایمدی شرح
غمیمی بیان ویروردیم
بو خرابه نی نشانه
من ناتوان ویروردیم
باباما یوزومده سیلی
یرینی نشان ویروردیم
اونا عرض ایدردیم اولموش
قوری یر مکانیم عمه
.
.
سوروشوردی مندن اولموش
نیه قامتون خمیده
اونا عرض ایدردیم اولدوم
من زار غمکشیده
بیزی شمر آپاردی سندن-
صورا مجلس زیاده
او سبب اولوب خمیده
بو قد کمانیم عمه
.
.
بو سکینه شمر الینده
یتشوبدی جانه سنسیز
باشیما وورالّا قمچی
گهی تازیانه سنسیز
وئری دمبدم تسلی
من ناتوانه سنسیز
گئنه مهربانیم عمه
گئنه جانفشانیم عمه
.
.
من زار بینوایه
دور ایله علاج اماندور
یاتابُلمورم ای عمه
داخی بیر چراغ یاندور
دوت الیمدن ایمدی آخر
بو خرابه نی دولاندور
دولانیم تاپوم بابامی
باشووا دولانیم عمه
.
.
ائشیدوب یزید ناگه
بو فغان و شور و شینی
دئدیلر یاتوب رقیه
یوخودا گوروب حسینی
دئدی شمره دور آپار بو
سرِ شاه مشرقینی
دئمَسون هانی رقیه
شه انس و جانیم عمه
.
.
گتورنده شمر اوباشی
دوروب اهلبیت ایاقه
هامی بیر به بیر ئوپدی وئردی
او بلاکش فراقه
قویوب اولزمان آتایلان
بالا بیر دوداق دوداقه
دئدی دور تدارکون گور
چخار ایمدی جانیم عمه
.
.
باشیم اوسته آل حیدر
دی باشین سراسر آچسون
هامی آه و ناله چکسون
هامی قاره معجر آچسون
ئولورم دِی باری شمره
قولومی او کافر آچسون
قوری یرلر اُوسته آسان
چخا بلکه جانیم عمه
.
.
منی غم خلاص ائدوبدی
غم و غصه دن خلاصه
یاتوب هجر گوشه سینده
داخی چخمارام خلاصه
بو گون ایستییوب احبّا
منی بزم وصل خاصه
گیدورم سفارشون وار
سوله مهربانیم عمه
.
.
بُلورم که کربلایه
چکلور بو غم قطاری
منه قسمت اولماز اما
علی اکبرین مزاری
سن اونون مزاری اوسته
دِئ منیم دیلیمجه باری
که بو شمر اولوبدی
سَندن صورا پاسبانیم عمه
.
.
بُلورم سیزی مرّخص
ایدر آخر اهل کینه
سیزی گورمگه گلولّر
هامی ایو به ایو مدینه
دیسه فاطمه ای عمه
هانی بس باجیم سکینه
بو خرابه ده نشانه
اونا ویر نشانیم عمه
.
.
گوروسن که یوخ یانیمدا
منیم اکبریله قاسم
ئوولورم من ایمدی عمه
بودی سندن التماسم
بو غریب یرده هرگز
اولا قویما خوار یاسم
داخی سندن اوزگیه یوخ
بُلوسن گمانیم عمه
.
.
بو عزای غمفزاده
ایله آه و ناله « #راجی»
منی غصّۀ خرابه
گتورور ملاله « #راجی»
دوشر اول یتیمون هر دم
بو سوزی خیاله « #راجی»
هاچانا کیمی خرابه
اولاجاق مکانیم عمه
.
.
.
.
#حضرت_رقیه_شهادت #راجی_تبریزی
#من_بینوایه_آخر_سوله_مهربانیم_عمه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی